Monday, 31 December 2012

கோழையாக வாழ்ந்திடாதே

 கோழையாக வாழ்ந்திடாதே

 

 

கோழையாக வாழ்ந்திடாதே எந்த
கொடுமைக்கும் நீ பயந்திடாதே
ஏழைக்கும் கோபமுண்டு -என்பதை
யாரிடமும் மறந்தும் காட்டிடாதே

பேச்சிலே  பணிவாக இருந்தாலே
பீதியில் நடுங்கிடுவார் பார்த்தாலே
பிறப்பை ஏங்கி தவிக்காதே-வாழ்க்கை
பெருகிடும் உனது உழைப்பாலே

நேர்மையய் என்றும் மறக்காதே
நெஞ்சிலே துணிவை இழக்காதே
வஞ்சனையின்றி உழைத்தாலே -வாழ்க்கை
விஞ்சிடும் உனது அறத்தாலே

வசதியானவன் வாழ்வெல்லாம் நன்கு
வாழ்வதாய் மட்டும் எண்ணிவிடாதே
வாய் நிறைய சிரிப்பதாலே-அவன்
வாழ்கையை பெரிதாய்  நினைக்காதே

தோல்விக்கு பயந்து இருக்காதே
தொடரும் கவலைகள் மறைந்தாலே
தொட்டிடும் சிகரத்தை மனத்தாலே -அதனால்
தொடங்கிடு மகிழ்ச்சியை மனதாலே


2013-இனிய புத்தாண்டு வாழ்த்துக்கள் 


Sunday, 30 December 2012

எதுகையே?மோனையே ?

 எதுகையே மோனையே


 
 (நன்றியுடன்)



எதுகையே மோனையே
என்னுயிர்ப் பேழையே
தென்றலே தீண்டிடும்
திருமேனிக் காரிகையே

உன்னிடம் அடைக்கலம்
உள்ளத்தில்  சங்கமிக்க
என்விழியில் மின்சாரம்
ஏற்றியது ஏனடியே

அச்சாரம் போட்டதாலே
அவசரமாய் தோன்றியதோ
வித்தாரம் பேசவந்து
விளையாட்டை தேடுவதேன்

தென்னாட்டு மங்கையே
தேரோடும் கங்கையே
உன்வீட்டு முற்றத்தில்
உன்னருகே வந்திடுவேன்

ஊரெல்லாம் உறங்கியதும்
உன்மடியில் தவமிருப்பேன்
காணாது கண்டதை மீண்டும்
கண்டெடுத்து மூழ்கிடுவேன்

ஊர்கூடி ஒன்றினைத்து
உன்னையே மணமுடிப்பேன்
தேர்கூடும் சொந்தங்கள்
தெருவெல்லாம் வாழ்த்திடவே

Friday, 28 December 2012

பழமொழிகள்-இறைக்கிற கிணறுதான் சுரக்கும்

இறைக்கிற கிணறுதான் சுரக்கும்

       "கிணற்றில் நீர் இறைக்க இறைக்க மீண்டு தண்ணீர் ஊறுகிறதோ அது போல நாம் அடுத்தவருக்கு உதவி செய்ய செய்ய நமக்கு கிடைக்கும் என்று அர்த்தம் "

        எங்கப்பா அடிக்கடி சொல்லுகின்ற வார்த்தை இது ,ரொம்பநாளா எனக்கு இதை பத்தி தெரியவே இல்லை ஏதோ பழமொழி சொல்லுகிறார் எனவும் பொழுது போக்கா சொல்லுகிறார் என்று நினைச்சிருந்தேன்

        ஒருமுறை எனக்குசெலவுக்கு காசில்லை அப்போ நான் ஏன்ப்பா இருக்கறப்ப நான் எல்லாத்துக்கும் கொடுக்கிறேன் இப்ப காசில்லாமல் இருக்கும் இந்த நேரத்திலும் என்னை பணம் கெட்டு தொந்தரவு பண்றாங்க எனக்கு இருக்கிற கஷ்டத்தை விட அவங்களுக்கு கொடுக்க முடியவில்லையே என நினைக்கும் போது எனக்கு வருத்தமாய் உள்ளது என்றேன்

         ஒரு இரண்டு மணிநேரம் என்னையும் என்னுடைய மன நிலையையும் கவனிச்ச அவர் , என்னை கூப்பிட்டார்  நான் அருகில் சென்று அமர்ந்தேன் அப்போ "இத்தனை நாளா  கையில இருக்கும்போது எல்லோருக்கும் நீ கொடுத்த அப்ப எல்லோரும் சந்தோசமா வாங்கினாங்க அதைத்தான் இப்பவும் உன்கிட்ட எதிர்பாக்கிறாங்க",தப்பு உன்னுதும் இல்லை அவங்கமேல குறை சொல்லவும் முடியாது ஏன்னா  கொடுக்கறது உனது சுபாவம் வாங்கறது அவங்க வாடிக்கை என்றார்.

         சரி, உனக்கு ஒரு யோசனை சொல்லுறேன் நீ ஏன் இப்போ அவங்களிடம் கேட்டுப்பாரேன் என்று சொன்னார் .எனக்கு ஒண்ணுமே புரியலை யாரிடம் கேட்பது கேட்டா கொடுப்பாங்களா மாட்டாங்களா என்று எனக்கு சந்தேகம் தயக்கமாய் இருந்தது ,எனக்கு இன்னொரு யோசனை தோன்றியது முதலில் அம்மாவிடம் கேட்கலாமா அல்லது அப்பாயே கேட்டு பார்ப்போமே என்று
யோசிக்கும்போதே அவரே எனக்கு ஐநூறு ரூபாய் கொடுத்தார்,

        அப்போதான் அவர் என்னிடம் இந்த பழமொழியை சொன்னார் ,உன்னிடம் பணம் உள்ளபோது  நீ அடுத்தவருக்கு உதவி செய்தால் மீண்டும் உனக்கு கிடைக்கும் ,நான் பணம் தராவிட்டாலும் மற்றவர்கள் உனக்கு  தானாக அவர்களே முன்வந்து உதவி செய்வார்கள் நீ கொடுத்த பணத்தில் சிறிதளவாவது உனக்கு மீண்டும் கிடைக்கும் என்றார்.

         அப்புறம் அக்கா,மமா மச்சான்  என்று அவர்களாகவே  முன்வந்து  பணத்தை வைத்துகொள் என்று திணித்தார்கள்.எனக்கு மிகப்பெரிய சந்தோசம் .அப்பத்தான் என் அப்பா தூரத்திலிருந்து பார்த்து சிரித்தது தெரிந்தது.அடிக்கடி அவர் சொல்லிவந்த பழமொழியின் அர்த்தமும் புரிந்தது

    நாம் மனமுவந்து எல்லோருக்கும் உதவி செய்தால் தானாகவே நமக்கு மீண்டும் உதவி கிடைக்கும் அல்லது அதற்கான சூழ்நிலையும் அமையும் .என்பதுதான் பழமொழியின் சாராம்சம்.


தமிழக விவசாயின் வாழ்வு

 தமிழக விவசாயின் வாழ்வு




 



ஊரெல்லாம்  ஓடுகிண்ற தண்ணீரை
ஒருவருக்கும் கொடுக்காமல் அவர்
வாடுகின்ற விவசாயி வாழ்வை-பாராமல்
தேடுகின்றார் பாவம் நாடுகின்றார்

பயிர்கள்  கருகி அழிந்தாலும்
உயிர்கள் மடிந்து வீழ்ந்தாலும்
உருகி கெஞ்சி கேட்டாலும்-உளறல்
உண்மை என்றே உறைக்கின்றார்
 
பழகி  பேசி வாழ்ந்தாலும்
பாவம் மக்கள் என்ன செய்வர்
அழகில்லாத அரசியலால் தினம்-அரசும்
அறிக்கையே  அறமாய் எண்ணுகின்றார்

உழவில்லாத  நாட்களுக்கு ஊதியமாம்
இழந்த  பயிருக்கு  இழப்பீடாம்
மறைந்த உழவனின்  உயிரை-வாழ்வை
மறுபடியும் மீட்டு யார் தருவார்


ஒற்றை பயிரை வளர்ப்பதனால்
உழைப்பும் வீணாய் போகிறதே
பற்றை துறந்து பணமும்-வீணாய்
பயிரும் கருகி சாகிறதே

இச்செயல்  மறந்து இனிமேலும்
இதர பயிரை வளர்த்திட்டால்
இன்னல் இன்றி இருந்திடலாம்-இனிமேல்
இயைந்து பயிரிட  தொடங்கிடுங்கள்



Wednesday, 26 December 2012

தேனடை நிறமோ?

தேனடை நிறமோ
தித்திக்கும் சுவையோ

நானருகில்  பார்த்ததுமே
நாணமென்ன சுந்தரியே

நீ அருகில் வந்ததுமே
நீரூற்றாய் ஆனதேனோ

திரவியமே  தேனமுதே
திகட்டாத நற்சுவையே

பூதொடுத்த மாலையிட்டு
புதுத்தாலி  பின்னலிட்டு

ஊர் உறங்கும் வேளையிலே
உன்னையே சொந்தமாக்குவேன்

காத்திருந்து  பார்த்திருந்து
காத்திட்ட கடவுள் முன்னே

ஊர்திரண்டு வாழ்த்திடவே
உன்னையே மணம் முடிப்பேன்

உனக்கு என்னை தந்திடுவேன்
உன்னுயிரோடு கலந்திடுவேன்




Tuesday, 25 December 2012

இசைஞானி இளையராஜாவுக்கு விருது













         நாமெல்லாம் பெருமை கொள்ள வேண்டிய சந்தோசமான செய்தி ,நாளும் தமிழ் பாடல்களை கேட்க விரும்பும் எல்லோருக்குமே இந்த செய்தி இனிமையாக இருக்கும் என்பதில் ஐய்யமில்லை ,அவருக்கு எத்தனையோ விருதுகள் வழங்கி இருந்தாலும் இந்த விருது அவரை மேலும் பெருமை படுத்து என்பதில் தமிழராகிய நாமும் பெருமை கொள்வோம்
         இசைஞானி' இளையராஜாவுக்கு 2012ஆம் ஆண்டுக்கான சங்கீத நாடக அகாதெமி விருது வழங்கப்பட இருக்கிறது.பல மொழிகளில் இசைத்து பாடியும் இசைத் துறையில் அவரது படைப்புத் திறன், புதுமையான முயற்சியில் வெற்றி பெற்றது ஆகிய சாதனைகளுக்காக இந்த விருது வழங்கப்படுகிறது.
விருது பெறுவோருக்கு ரூ. 1 லட்சம் ரொக்கப் பரிசு, தாமிரத்தினால் ஆன பாராட்டுப் பத்திரம் அளிக்கப்பட்டு, அங்கவஸ்திரம் அணிவிக்கப்பட்டு கெüரவம் வழங்கப்படும்.

       நாமும் மகிழ்ச்சி கொள்வோம்  கொண்டாடுவோம்

Monday, 24 December 2012

பழமொழிகள் -பருவத்தே பயிர்செய்

                 பருவத்தே பயிர்செய்

           "  பருவத்தே பயிர் செய்"  என்ற பழமொழி எல்லோருக்குமே தெரிந்தது. ஆனால்  எதற்க்காக யாருக்காக சொன்னார்கள் என்பது எல்லோருக்குமே தெரியாது ,குறிப்பாக இன்றைய இளைஞர்களுக்கு புரியாது. இன்றைய இளைய தலைமுறைக்காக நான் சொல்ல விரும்புகிறேன்.
              
             பட்ட  படிப்பை  முடிக்கும் முன்னே நல்ல மதிப்பெண் பெற்றிருந்தால்  கல்லூரிக்கே வந்து  நேர்காணல் நடத்தி தயார் செய்து பணிக்கான உத்தரவும் தந்து விடுகிறார்கள்  கல்லூரி படிப்பு முடிந்ததும் உரிய பயிற்சி கொடுத்து பணியமர்த்தி பயிற்சியுடன் ஊக்க தொகையும் கொடுக்கிறார்கள் .
              
             இன்று பெருபாலான இளைய தலைமுறையினர் நல்ல வேலையில் நல்ல சம்பளத்துடன்  வாழ்க்கையை தொடங்குகிறார்கள்,வீட்டிடருகே வந்து மகிழுந்து  பேருந்து  போன்றவற்றில் குழுவாக  அழைத்து செல்கிறார்கள் அதுபோலவே மீண்டும் இறக்கி விடுகிறார்கள் .அங்கேயே சாப்பாடு தேநீர் போன்ற சலுகைகளும் உண்டு .இதெல்லாம் பெரும்பாலான நிறுவனங்களில் கிடைக்கிறது. சிலர் சொந்த வாகனத்தில் மகிழுந்து, இருசக்கர வாகனம் போன்றவற்றில் சென்று வருவதுண்டு

          அவர்களுக்கு கிடைக்கும் ஊதியத்தை முறையான வழிகளில் செலவழிக்கும் பொறுப்பான பிள்ளைகள் உண்டு .ஆனால் சிலபேர் புது வாழ்வு பேரானந்தம்  போன்றவற்றால் நட்பு வட்டம் நங்கையர்  கூட்டமென நாட்களை கழிப்பதுடன் மிக அதிகமான செலவு செய்து  சேமிப்பு என்பதை மறந்து வீட்டிற்க்கே செல்லாமல் வீண் செலவு செய்து  விடுகிறார்கள்

          சிக்கனம் சேமிப்பு என்பது அரிதாகிவிட்டது எல்லோருக்கும்  சீக்கிரம் அனுபவிக்க வேண்டுமென்ற ஆர்வம் அவர்களை தவறான பாதைக்கு இழுத்து சென்று விடுகிறது.முறையான வாழ்க்கை மாறி  முறையற்ற வழிகளில் செலவு செய்யும் போக்கு அதிகமாகி வருகிறது.நண்பார்களுடன்  உணவு விடுதி,திரையரங்கு ,கேளிக்கை விடுதிகளில் ஆட்டம் பாட்டு கொண்டாட்டம் மது போன்ற பிற உல்லாச உலகத்தை நாடி செல்வதால் அவர்களது எதிர்கால வாழ்க்கை சரியான பாதையில் அமைத்து கொள்வதில்லை.

         இதனால்  பாதிக்கபடுவது அவர்கள் மட்டுமல்ல அவர்சார்ந்த குடும்பமும்தான் இம்மாதிரியானவர்களின் படிப்புக்காக  நிலத்தை விற்றோ அல்லது வீட்டை அடமானம் வைத்தோ அல்லது கல்வி கடன் வாங்கியோ படிக்க வைத்திருப்பார்கள் இதை எல்லாம் மறந்து அவ்வாறு வீண் செலவுகளை  வேடிக்கையாக செய்வார்கள். இதனால் அவர்களின் சராசரி வாழ்க்கை பாதிப்பதுடன் சரியான நேரத்தில் ,வயதில் திருமணம் செய்ய முடியாமல்  தவிப்பார்கள் .

        உங்களின் பெற்றோர்களை மதித்து அவர்களிடம் ஆலோசனை கேளுங்கள் நிச்சயம் உங்களுக்கு பயனுள்ள வகையில் உங்களது எதிர்கால தேவைகளை கருத்தில் கொண்டு உங்களுக்காக வாங்கிய கடனை முறையாக செலுத்தி  எதிர்கால தேவைக்கும் சேமிப்புக்கும் வழிவகுப்பார்கள் புது வீடு  உங்களுக்காக வாங்குவார்கள் சகோதர சகோதரிகளின் திருமணம்  உங்கள் பெற்றோரின் மருத்துவ செலவு  போற்றவற்றில் கவனம் செலுத்தி முறையாக செய்வார்கள்.அதோடு உங்களை நல்வாழ்க்கைக்கு உற்ற துணையை  தேர்ந்தெடுத்து மணமுடித்து மகிழ்ச்சியான வாழ்வுக்கு வழிவகுப்பார்கள் .

         எனவே சிக்கனம் சேமிப்பு போன்றவற்றுடன் சரியான வயதில் திருமணம் செய்து உங்களது வாழ்கையை சரியான பாதையில் சென்றால் உங்களை பெற்றோரும் உங்களை நம்பி வந்தோரும்  எதிர்காலத்தில் பிறக்க இருக்கும் பிள்ளைகளும் நலமாக வாழ்வார்கள் என்பதில் ஐய்யமில்லை.

         ஆகவே சரியான நேரத்தில் சரியான பருவத்தில் திருமணம் செய்து நல் வாழ்கையை அமைத்துகொள்ளுங்கள் நாலைந்து பிள்ளைகளை பெற்றுகொள்ளுங்கள்.

Friday, 21 December 2012

கடவுள் இருந்தால் கஷ்டமும் தருவானா?

கடவுளே கடவுள் இருந்தால்
கஷ்டமும் தருவானா?

கயவர்கள் நிம்மதியாய்
காசு பார்க்க விடுவானா?

திருடன்  துரோகிஎல்லாம்
தைரியாமாய் திரிவானா?

காசு பணத்திற்காக
கள்ள தொழில் செய்வானா?

இல்லாதவன் ஏங்குகிறான்
இருப்பவனோ  பதுக்குகிறான்

உள்ளதை சொல்பவன்
உயர்வின்றி தவிக்கிறான்

நல்லவனாய் இருப்பவன்
நாளும்  மனதால்இறக்கிறான்

பொல்லாங்கு சொல்பவன்
புகழோடு இருக்கிறான்

உனக்காக செய்வதை
ஏழைக்கு கொடுக்கசொல்!

உயர்வாக உன்னிடம்
ஒழுக்கத்தை பயிலசொல்!

தனக்காக உள்ளதுபோக
தருமம் செய்யச்சொல்!

மனித நேயம்  மறக்காமல்
மனிதனை இருக்கசொல்!

மனிதனாக இருக்க
மனிதாபிமானம் மதிக்கசொல்!

பெற்றோரை,மற்றோரை
மாண்புடனே மதிக்கசொல்!

தனியொழுக்கம் கற்றுதந்த
ஆசிரியரை மதிக்கசொல்!!!

(கவியாழி)

Thursday, 20 December 2012

அகத்தை ஆள ஆணவத்தை அடக்கு



அகத்தை ஆள ஆணவத்தை அடக்கு 
அகிலமும் உனைநோக்க நேர்நிறுத்து
சுகத்தை உன்னுள் நேர்த்தி செய்தால்-ஆயுளில்
யுகத்தை ஆளலாம் உன்னுள் காணலாம் !


உன்னில் ஒளிந்திருக்கும் ஒளியரிந்திடும்
உன் கணக்கு என்னவென்று  உன்னுடலில்
 வெண்ணை சேர்காதமேனி வெளிர்ந்திடும்-உண்மையாக
கண்ணுள் காட்டிடும்  கனியாக  தெரிந்திடும்!

மெய்யும்  பொய்யும் மேனியு  ளதில்லை
மெய்ஞானம் நேரில் பார்த்த தில்லை
சொல்லும்  செயலும்  சேர்ந்தே யன்றி -எளிதில்
சொல்லாத சொல்லால் பயமேதுமில்லை!

இல்லா ராயினும் இறைவனை தேடவேண்டாம்
இல்லாதோருக்கு உதவிட்டால் அங்கே காணலாம்
பொய் சொல்லோரை புறந்தள்ளி பார்த்தாலே-வாழ்வில்
புரிந்திடும்  மெய்ஞானம் தெரிந்திடும் எளிதாக

நம்பிக்கை வாழ்வில் நல்வழி படுத்தும்
நாணயம் எப்போதும் துணை நிற்கும்
வம்பிலுப்போர்  வாழ்வு நெறிகெட்டு-துன்பமாக
சம்பவிப்பார் சாபங்களை சந்ததிக்கு சேர்ப்பார் !

கஷ்டம் கடக்கும் காலம் வந்தால்
நஷ்டமும் தீரும் நன்மை பெறும்
இஷ்டமாக இனிதே உதவி செய்தால்-மகிழ்ந்து
துஷ்ட மெல்லாம் தூரசென்று  விலகிடும் !

நல்லவனாய் இருப்பதால் நல் மனிதனாவாய்
நன்றியுள்ள ஜீவனுக்கும் நண்பனாவாய் அன்பனாவாய்
இல்லாதவனாய் இருந்தாலும் இன்ப வாழ்வில்-நேர்மையான
இல்லறத்தில் துன்பமில்லா நல் இறைவனாவாய் !

Wednesday, 19 December 2012

மலிவான மனசாட்சி


 நடுஇரவில் நண்பர்களோடு சினிமா பார்த்து விட்டு நண்பர்களுன் பயணித்த 23 வயது மாணவியை கதறக்கதற கற்பழித்த குற்றவாளிகளை டெல்லி போலீஸ் கைது செய்தது .-செய்தி
(குற்றவாளி : மாணவியா? அவரின் பெற்றோரா? நண்பர்களா? குற்றவாளிகளா? அரசாங்கமா?சமூகமா?)
                                     """"""""""""""""""""


மலிவாக மனசாட்சி மறைந்து கிடக்க
மக்களும் எதையெதையோ தேடி சேர்க்க
புத்தகம் போதனை சொல்லி இருந்தும்-புத்தியின்றி
புலப்படுதே பெண்ணினம் இன்னும் வதைபடுதே

பணம் வேண்டி  பலதவறும் பாவிகளை
பண்கெட்டு  கேடுகளை செய்ய தூண்டி
குணம் கெட்டு குலநாசம் செய்யுதே - மனதில்
குடிகொள்ளுதே குற்றமாய் பிழை செய்யுதே

சிறுபிள்ளை வாழ்வுதனை சூறையாடி
செய்கின்ற தவறுகள் தொடர்கின்றதே
சிற்றூரும் பேரூரும் சரிசமமாய் -நெறிகெட்டு
சிற்றின்ப வாழ்க்கைக்கு துணை போகுதே

படிப்பிருந்தும் பாவி மக்கள் பயணிப்பதே
பகல் பொழுதை தாண்டியும் தொடர்கின்றதே
தடைசெய்த  பழக்கங்கள் தவறாக தொடர்ந்து -தன்மானம்
விடைபெற்று நெறிகெட்டு செயல்படுதே



Tuesday, 18 December 2012

மார்கழிப் பூவோ



நிலவும் சூரியனும் சேர்ந்து
நித்திரையில் கனவில் வந்த
நீலக்கண் கோலமங்கை
இவளென்று சண்டையிட்டதால்
பூமிக்கே  வேர்வை வந்ததால்
புல்லெல்லாம் நனைந்து விட்டதோ

பனிபொழியும் அதிகாலையில்
பருவமங்கை  நடந்துந்துவர
முகம்  தெரிய வேண்டாமென
அதிகாலை வராமல்
கதிரவனையே காக்கவைத்து
காலம் மாறி பயந்து  வந்ததோ

மார்கழிப் பூக்களின்
மௌனமான பூக்கும் ஓசை
மலைச்சாரல்  தூறல்போல
பனித்துளியும்  முகமலர்ந்த நீ
மார்கழிப் பூவோ.....


Monday, 17 December 2012

வேள்விக்கு வருவாயா?

சந்தனத்தில் சிலைவடித்து
சவ்வாது நீறு பூசி
வாசமலர்போல் வானெங்கும்
வாசமெங்கும் வீசுகின்ற
ஈசன் மகளா ?

மான் கூட்டமெல்லாம்
மயங்கி மண்டியிட்டு நிற்கும்
மயில் கூட்டமோ ?
மகிழ்ந்து ஆடி தோகை விரிக்கும்
மங்கையுனைப் பார்த்ததாலா ?

சிற்றுடல் மங்கையே
சிவந்த நிற மங்கையே
பற்றுதலாய் கேட்கிறேன்
பாசத்துடன் வருவாயா
பக்கம் வந்து அணைப்பாயா ?

ஏன்  மறுக்கிறாய்
ஏதோ மழுப்புகிறாய்
இன்னும் ஏன் வெட்கம்
என்றும் நமக்கே சொர்க்கம்
வேள்விக்கு வருவாயா?

Sunday, 16 December 2012

மதமா? மானுடமா?

மானுடத்தை மதம்
மதிக்கிறதா மறுக்கிறதா
புதுமையான தமிழ் சாதி
போற்றுமே சம நீதி
ஏழைப் பணக்காரன்
என்பது தானே விதி

கோழைகள் காண்பது
கொள்ளை அடிப்பது
ஏழையை ஏய்த்து
சுரண்டி பிழைப்பது
ஏவிவிட்டு எதிரியாய்
என்றும்  பகை வளர்ப்பது

தேடிப்பாருங்கள் மனதில்
தெளிவு பிறக்கும்
வேடிக்கை பார்க்காமல்
வேதனையை வளர்க்காமல்
வாழ விடுங்கள்
வாழ்கையை  மகிழ்ச்சியாக

Friday, 14 December 2012

திசையெங்கும் முழங்கி வா தமிழே

துன்பத்தை தொலைத்தது  போல்
துள்ளி விளையாடி வரும்
கள்ளவிழி  நங்கை
கவிங்கர்களுக்கோ தங்கை
அவளோ தமிழ் கங்கை

உலகமெல்லாம் ஓடி
உன்புகழ் பாடி
கலகமும் கஷ்டமும் மறந்தே
நிலைக்கொள்ளா ஆனந்தம்
நின் மடியில் கிடைக்குதடி

இலைபோட்டு விருந்தை
எந்நாளும் தருமுனக்கு
சிலை வடித்து இருக்கிறேன்
சிரித்தோடி வந்திடு
என்னோடு தங்கிடு

படை கூட்டி
பாவை உன்னை அழிக்க
படுபாவி நினைத்தாலும்
விடைகொடுக்கும் நேரமிது
விரைந்து வா விடியலைத்தா

அலை கடந்து தவிக்கும்
கொடியுறவு தமிழனுக்கு
திரைகடல் தேடி
தேசமதைத் தருவேன்   என
திசையெங்கும் முழங்கி வாwww.kaviyazhi.com

Wednesday, 12 December 2012

தமிழனுக்கு தொடரும் துக்கமடா

சுட்டுவிட துடிக்கின்ற
சூரியனுக்கும் வெட்கமில்லை
எட்டும் திசையும் சென்றாலும்
எங்கெங்கு  காணினும்  வெட்கமடா-இன்னும்
தமிழனுக்கு தொடரும்  துக்கமடா

உன்னை காணாத உயிரில்லை
உள்ளத்தில் வணங்காதவரும் இல்லை
கள்ளத்தனமாய்  செய்கிறான்
கண்டபடி கொல்கிறான்- பக்சேவை
உனக்கு தெரியாதா

இத்தனை நாளாகியும்
இருக்க இடமின்றி
உடுக்க உடையின்றி
உன்னத் துடிக்கும்-தமிழர்கள்
உன்னையும்  வணகுவதாலோ

நீயும் அவனும் சேர்ந்து
நிம்மதி கெடுக்க
நினைக்கும்  செயல் சரியா
நேர்மை தவறல் முறையா-இன்னும்
அவனை ஏன் காக்கிறாய்www.kaviyazhi.com

சின்னஞ்சிறு விதைகள்-3

தோல்வியில் துவளாதே
தொடந்து....
வெற்றியில்  வேள்விசெய்

இதயம் சொன்னாலும்
நீ..
இன்பத்தை  மறக்காதே

மனிதனை கேடயமாக்கி
உன்
மதத்தை  வளர்க்காதே

சாதி எனும் தீயால்
சமூகத்தை
சாக்கடையாக்கிப் பார்க்காதே

மறுபிறப்பை நம்பினால்
மனிதனாய்
மனிதநேயம் கற்றுக்கொள்

சாதிப்பதை விட்டுவிட்டு
சாதியை
சமூகத்தை  இழக்காதே

Tuesday, 11 December 2012

சூரியனுக்கும் வெட்கமில்லை

சுட்டுவிட துடிக்கின்ற
சூரியனுக்கும் வெட்கமில்லை
எட்டும் திசையும் சென்றாலும்
எங்கெங்கு  காணினும்  வெட்கமடா-இன்னும்
தமிழனுக்கு தொடரும்  துக்கமடா

உன்னை காணாத உயிரில்லை
உள்ளத்தில் வணங்காதவரும் இல்லை
கள்ளத்தனமாய்  செய்கிறான்
கண்டபடி கொல்கிறான்- பக்சேவை
உனக்கு தெரியாதா

இத்தனை நாளாகியும்
இருக்க இடமின்றி
உடுக்க உடையின்றி
உன்னத் துடிக்கும்-தமிழர்கள்
உன்னையும்  வணகுவதாலோ

நீயும் அவனும் சேர்ந்து
நிம்மதி கெடுக்க
நினைக்கும்  செயல் சரியா
நேர்மை தவறல் முறையா-இன்னும்
அவனை ஏன் காக்கிறாய்

www,kaviyazhi.com

Monday, 10 December 2012

கவிதையின் மகளோ?



செப்பு சிலையா
செதுக்கியவன் கலையா
நித்திரையை கலைக்கும்
நீலக் குயிலா
கற்பனையை தூண்டிவிட்ட-நீ
கவிதையின் மகளோ

மேகமெல்லாம்  கூடிநின்று
மேனியெல்லாம் நடுநடுங்க
இடிமுழக்கம் வாழ்த்தொலிக்க
இந்திரனே இறங்கி வந்து-உன்னை
இணையாகி மகிழ்வானோ

புரவிக்கூட்டமென புறப்பட்ட
தேனீக்கள் தடம்மாறி நிற்பது
உன்னுடல் வாசம் உறுத்தியதோ
உன்னையே பூவாக நினைத்து-உடனே
தேன்குடிக்க எண்ணியதோ

கன்னியுன்னை காணவேண்டி
கதிரவனே வருன்முன்னே
கண்டுவிட்ட என்னோடு
கண்ணசைத்து வருவாயா-என்
கட்டுடலை அணைப்பாயா

காப்பீடு/இன்சூரன்ஸ்

காப்பீடுகள் மூன்று வகைப்படும் படியாக இந்திய அரசால்  காப்பீடு ஒழுங்குமுறை ஆணையத்தின் மூலம் (INSURANCE REGULATARY DEVELOPMENT AUTHIRITY)முறைப்படுத்தப்படுகிறது

1,ஆயுள்  காப்பீடு(LIFE INSURANCE)
,2,பொதுக்காப்பீடு(GENERAL INSURANCE)
,3,பயிர் காப்பீடு (CROP INSURANCE)


ஆயுள் காப்பீடு( LIFE INSURANCE)

இது மனித உயிர்களை மட்டுமே காப்பீடு செய்யும் படி முறைப்படுத்தப்பட்டுள்ளது.விபத்தினால் உயிரிழப்பு அல்லது உடலுறுப்பு
இழப்பு மற்றும் சேதாரம் ஆகியவற்றிக்காகவும் உத்திரவாதமளிக்கும்.ஆயுள் காப்பீடுக்காலம் முடியுமுன்னே இவ்வாறு நடந்தால் அவர்கள் நிர்யித்த தொகையில் சதவீத அடிப்படையில் உடலுருப்புக்காக இழப்பீடு தருவார்கள் உயிரிழந்தால்  நிரயிக்கப்பட்ட முழு தொகையும் இறந்தவரி குடும்பத்திற்கு அவர்தம்  வாரிசுகளுக்கோ குறிப்பிட்ட காப்புரிமை கேட்பவருக்கோ போய் சேரும்

மேலும் தகவல்கள் நாளை தொடரும்..........

Sunday, 9 December 2012

பனிபொழியும் அதிகாலை


நிலவும் சூரியனும் சேர்ந்து
நித்திரையில் கனவில் வந்த
நீலக்கண் கோலமங்கை
இவளென்று சண்டையிட்டதால்
பூமிக்கே  வேர்வை வந்ததால்
புல்லெல்லாம் நனைந்து விட்டதோ

பனிபொழியும் அதிகாலையில்
பருவமங்கை  நடந்துந்துவர
முகம்  தெரிய வேண்டாமென
அதிகாலை வராமல்
கதிரவனையே காக்கவைத்து
காலம் மாறி வியந்து  வந்ததோ

மார்கழிப் பூக்களின்
மௌனமான பூக்கும் சத்தமமும்
மலைச்சாரல்  தூறல்போல
பனித்துளியும்  முகமலர்ந்து
மங்கையால் மயங்கி நின்றதோ




Saturday, 8 December 2012

நீ என்ன சாதி

அறிவுள்ள கணவனே
குடும்பத்தில் ஆண்சாதி
ஆண்மையையும்  அடக்கி
மகிழ்பவளே பெண்சாதி
இயலாமையை சொல்பவர்கள்
இன்னொரு சாதி
இதில் மட்டும்
மாறுபடுமா உன் (நீ) நீதி (தீ)

மதமென்று பிரிக்கிறாய்
குலமென்று இருக்கிறாய்
தளமென்று தனி தேசமாகிறாய்
தரணியிலே தமிழனே என்கிறாய்
என்ன  செய்தாலும்
எதிரியாகி விடுகிறாயே
ஏனோ விளங்கவில்லை
சாதியால்  சதியாகிறாயே ஏன்

உணர்வெனக்கு உண்டென்று
உயிரை கொடுப்பேன்
உலக  தமிழனுக்காய்
உண்மை !,ஆனால்
உரியபதவி தேடித் தேடி
உளருகின்ற வார்த்தையாலே
உள்ளபடி நீயும் அறிவாளியா
உணர்ந்து சொல் மனிதனே

ஏனய்யா சாதி(தீ)யும் மதமும்

கோள்களில் பூமி
கொண்ட தனித்தோர்
மனித இனம்
மற்றெல்லா உயிரினம்
செடி மரம் பூச்சிகள்
செழுந்திரலான விலங்குகள்
கடல் நீர் காற்று
கணக்கிலடங்கா மலைகள்

எங்கெங்கும்  காண்பதெல்லாம்
எண்ணற்ற மதப் பற்றே
ஏழ்மைப் பசிப் பஞ்சம்
ஏற்றதாழ் விருந்தாலும்
எல்லா மக்களும்
இன்பமாய் வாழ்ந்தாலும்
ஏனய்யா சாதியும் மதமும்
என்ன அதனால் சாதித்தாய்

ஒன்றே குலமென
ஒவ்வோர் மதமும்
நன்றே சொன்னாலும்
நல்லவை போதித்தாலும்
அன்றே அனைத்தையும் மறந்து
அறிவிழியாய் மாறுவதேன்
மனிதத்தை போற்றினால்
மதமென்ன தடையா சொல்லும்

Thursday, 6 December 2012

சின்னஞ் சிறு விதைகள்- 2


பார்த்தவுடன் போதையேற்றும்
நீ
கள்ளுண்ட வண்டுடோ

காதில் கேட்டவுடன்
உன்னை
பார்க்கத் தோன்றும்
        
நேரில் பார்த்தவுடன்
என்
நெஞ்சில்பூக்கிறது
     
பார்வையாலே பாதை
குளிருக்கு
நீயே  என் போர்வை
    
சிரித்தாலும் சீமை மல்லி
கண்டதுமே
சிறைபிடிக்கும் நீ  கள்ளி
          
முள்ளிலா ரோஜா
உன்
முன்னோர்கள்  செய்தாரோ

சிரித்ததும்  சிதறியது
அங்கே
சிற்றிதழில் முத்துக்கள்
         

சாலை விதியைப் பார்

 

பிறக்கும்போதே எழுதி வெச்ச விதியை
பைக்கில பறந்துபோய் மாத்துற பசங்க
இழக்குற வாழ்வை எண்ணி - என்
இதயத்தில் வருந்தி கண்ணீர  சிந்துகிறேன்

பெற்றெடுத்து பேர் வைத்தப் பிள்ளை
பேச்சை கேட்காது அவசர வேலையென்று
அடிபட்டு ஊணமாகி போவதால்-அவனுக்கும்
ஆயுள் முழுதும் கஷ்டம் மட்டும்தான்

தலைக்கவசம்  போடுவதால் தலையை தாங்கி
தன்னிகரில்லாத  உன் உயிரைக் காத்து
சொந்தமும் சுற்றமும் நண்பனும்வாழ்த்த -உன்
சிந்தை மகிழ செழிப்பாய் வாழ்ந்திடலாம்

சாலை விதியை சரியாய் பார்த்து
 நாளைய வாழ்வை நன்றாய்  மதித்து 
பாதையில் வரிசை பாங்காய் செலுத்தி-மிதமான
வேகத்தில் சுகமான பயணம் நன்று







Tuesday, 4 December 2012

இனிமையான வாழ்வுக்கு தேவை



இளமையான நாட்களில் இல்லறம் அமைத்திட்டால்
இனிமையான பிள்ளைப்பேறு சீக்கிரமே கிடைத்திட
துணையோடு மனம் மகிழ்ந்து துள்ளலுடன்-அன்போடு
இணைந்து அளவோடு பேசி வாழுங்கள்

இன்பத்தைத் தேடி இணையாக ஒன்றிணைந்து
சந்தமும் பாட்டும்போல சங்கமம் கூடி
திங்களாய் சேர்ந்த திரவியத்தைமுத்ததாக
ஆழியுள் சேர்த்து அங்கத்துள் வைத்தது

அன்று முதல் குடத்துள் கருவாக்கி
ஐந்தாவது வாரத்தில் அழகான உருவாக்கி
பிஞ்சு விரலும் அவயங்களும் பேழைக்குள்-உருவாகி
நஞ்சுக் கொடியுடன் இணைந்து வளர்ந்து

கொஞ்சும் குரலையும் குடும்ப உறவையும்
மஞ்சமென போற்றி மாணிக்கமாய் ஜொலிக்க
பத்துமாதம் முன்னே பாசத்தோர் ஏங்க-பிள்ளை
பரவசம் பொங்க பாரினில் பிறந்திடுமே

Monday, 3 December 2012

எனக்கு வேண்டும்

 என்கடவுள் பெற்றோரை வணங்க வேண்டும்
எந்நாளும் மறவாதிருக்க வேண்டும்
என்குடும்பம் மகிழ்ச்சியில் திளைக்க -எப்போதும்
எல்லாமும் கிடைத்து நிம்மதி வேண்டும்

 பெரியோரை தினமும் மதிக்க வேண்டும்
பிழை இல்லா பேரின்பம் அடைய வேண்டும்
நல்லோரை  மதித்து நல்லாசி வேண்டும்-வாழ்வு
நலமாக நான்வாழ அருள்புரிய வேண்டும்

எல்லோர்க்கும் உதவும் எண்ணம் வேண்டும்
எதிரிக்கும் கெடுதல் செய்யாதிருக்க வேண்டும்
புகழுக்கு  அடிமை ஆகதிருக்க வேண்டும் -பிறந்தாலும்
மீண்டும் தமிழனாய் இருக்க வேண்டும்

எளியோர்க்கும் கல்வி கிடைக்க வேண்டும்
ஏழைகளும் மகிழ்ச்சியாய் சிறக்க வேண்டும்
என்னால் முடிந்தால் உதவ வேண்டும்-இப்பிறப்பில்
எப்போதும் மனிதம் போற்றி வாழ வேண்டும்
www,kaviyazhi,com

21.12.2012 ல் உலகம் அழியுமா? அழியாது!

நெஞ்சில் ஈரமின்றி மனித நேயமின்றி
வஞ்சகமாய் கூட்டி வாழ்வை அழித்து
பிஞ்சுக்குழந்தை பெண்களை முதியோரை-கொன்ற
பஞ்சமா  பாதகன் பதவியிழந்து அழிவான்

நேர்மை  மறந்து நிம்மதி கெடுத்து
ஊரை  ஏய்த்து பணம் திண்ணும்
பேரை மாற்றும் பிறவித் திருடன்-அழிவான்
பிறரை  ஏமாற்றிய பொருளையும் இழப்பான்

அரசியல்  செய்யும் அறிவியல் திருடன்
அவசியமின்றி பொய்களை பேசி வாழ்பவன்
துறவி என்று தவறு செய்யும்-துன்பமாக்கி
உறவை கெடுப்பவன்  உரிமையிழந்து  மடிவான்

அடுத்தவன் நாட்டு பணத்துக்கு ஆசைப்பட்டு
ஆணவம்  மிகுந்து அறிவு கெட்டு
படைத்தோரை மறந்த படுபாவிகள்-சேர்த்த
பணத்தை இழந்து தவிப்பான்  உணர்வான்
                              ******

உலகம் அழியாது உண்மைகள் தோற்காது



Sunday, 2 December 2012

பார்த்ததும் கேட்டதும்

                                    பயணிகள் கவனத்திற்கு
                                                     *****
              நான் அலுவல் நிமித்தமாகவோ அல்லது சொந்த வேலையாகவோ அடிக்கடி  செல்வதுண்டு எனது நான்கு சக்கர வாகனத்தில் அடிக்கடி  செல்வதுண்டு  அவ்வாறு தனியாக செல்வதால் பெட்ரோல் செலவை மீதப் படுத்துவதோடு தேசத்தின் அன்னியசெலாவணியைக் குறைக்கும் விதமாக பேருந்தில் சென்று வருவது வழக்கம்.

             பெரும்பாலான  பேருந்துகளில் கூட்டம் அதிகமாகவே காணப்படுகிறது .அரசாங்க தனியார் ஊர்திகள் பலவற்றிலும் தற்போது காதைப்பிளக்கும் பாட்டு சினிமா போன்றவற்றை துண்டித்து விட்டார்கள் இது விபத்தை தடுக்கவும் கவன சிதறலை தடுக்கவும்  இருக்குமென நினைத்து சந்தோசப்பட்டேன்.
 
           ஆனால் நமது மக்கள் பாட்டு விரும்பி கேட்கிறார்கள் அதனால் எப்போது காதில் ஹெட் போன் மாட்டிக்கொண்டே வருவார்கள்.பிறரிடம் பேசும்போதுகூட நீக்கி விட்டு பேச மாட்டார்கள்,சில சமயம் திடீரென்று பாடுவார்கள் சிரிப்பார்கள்  ஹம் ...ஹம் .. என்றுகூட சொல்லுவார்கள்

           இதெல்லால் ஆர்வ மிகுதியால் அல்ல தன்னிடம் உள்ள கைபேசியில் இந்த வசதியை உபயோகிப்பதற்க்காக செய்வார்கள் அது அவர்களது சொந்தவிஷயம்  இருக்கறவன் கேக்குறான்  ஆனால் ஸ்பீக்கரை ஆன் செய்து  அவனுக்கு பிடித்த கண்றாவிப் பாடல்களை எல்லோரும் கேட்கவேண்டுமா அதுவும் கரகரவெண்று  காதய் கிழிக்கும் சத்தம் தேவையா இதை  எல்லோருமே சகித்துக்கொண்டு எப்படித்தான் பயணம் செய்கிறார்களோ புரியவில்லை.தொடர்வண்டியிலும்  இப்படித்தான் இருக்கிறது

          இதனால் மற்றவரின் நிம்மதி கெடுக்கும் என்பதை பற்றி கவலைபடாமல் இருக்க முடிவதில்லை.பயணத்தின்போது குறைந்தது 50 பேராவது பயணிக்கும் பஸ்ஸில் எல்லோரிடமும் கைப்பேசி இருக்கும் எல்லோரும் அலறவிட்டால் என்னாவது சற்றே சிந்தியுங்கள்  அவ்வாறு செய்வோரிடம் இனிமேலாவது எடுத்து சொல்லுங்கள்.பத்தில் ஒருவர் மாறினாலும் பலன் நல்ல விஷயம் தானே,

          நல்ல விஷயத்தை நாலுபேருக்குச் சொன்னால் தப்பில்லை முயற்சிக்கலாமேஅவ்வாறு செய்வதை ஊக்குவிக்காதீர்கள்.நடத்துனரிடம் சொல்லுங்கள்  சம்பந்தப்பட்ட பேருந்து நிறுவனத்திற்கு கடிதம் எழுதுங்கள்  எல்லோரும் முயன்றால் முடியும்.

Saturday, 1 December 2012

மதமின்றி மனிதனாக முடியுமா


01.12.12 அன்று எழுதியதின் மறுப் பதிவு



மீண்டும் அந்தநாள் வருமா
மேகமெல்லாம் கூடி மழை தருமா
ஆற்றில்  நீர் பெருக்கெடுத்து-அருகருகே
அங்கங்கே ஏரி குளம் நிறையுமா

மீனும் தவளையும் துள்ளி விளையாடி
மீண்டும் நீரில் மகிழ்ந்து செல்லுமா
பாம்பும் தேளும் பணிந்துபோய்-அன்பாக
பார்ப்போரை வணங்கி திரும்புமா

மாடும் கன்றும் பச்சை தழையை
மீண்டும் மீண்டும் புசியுமா
ஆடு கோழி அனைத்து உயிரும்-அங்கங்கே
ஆனந்தமாய்  உணவு பெறுமா

கோள்கள் ஒன்பதும் கூடி மக்கள்
குறை தீர்க்க நாடி வருமா
கூப்பிட்டதும் கடவுளும் நமக்கு-வாழ
குறையில்லா அருள் தருமா

சுத்தமான காற்றும் சுவையான நீரும்
எத்திசையும் பசுமையான செடிகொடியும்
எழுந்தோடும் பறவை கூட்டமும்-வருமா
 எண்ணில்லாப் பூச்சி புழுவும்  காணுமா

தேன்  வண்டு திரிந்தோடி பறந்து
வானெங்கும் வாசம் வீசும் மலர்கள்
நாம்  உண்ணும காய் கனிகள்-சுத்தமாக
நாள்தோறும் கிடைக்க முடியுமா

மாண்டோர் வாழ்ந்த மகிழ்ச்சியான
மனிதநேயம் மக்களிடம் திரும்புமா
மனத்தாங்கல் இன்றி ஒற்றுமையாய்
மதமின்றி மனிதனாக முடியுமா