குழுவாய் உழைப்போம் நிலத்தில்....

 குழுவாய் உழைப்போம் நிலத்தில் .....

-------------------------------------------------------

கேள்விகள் ஆயிரம் கேட்கலாம்

கேட்டதை மாற்றிக் கூறலாம்

வேள்விகள் நிறைய செய்யலாம்-மன

வேதனை தீர்க்க முடியுமா

போலிகள் வாழ்க்கையை மாற்றலாம்

போதையில் வாழ்க்கையை மறக்கலாம்

வேலியே பயிரை மேய்வதால்- கொடும்

வேதனை எங்கே சொல்வது

காலையில் எழுந்ததும் பூசைகள்

கடவுளைப் பார்கவும் ஆசைகள்

வேலைக்கு மாத்திரை போடாமல்-வயிற்றுக்கு

விருப்பமாய் உணவு செல்லுமா

ஆதிக்கத் திமிரில் வாழ்பவன்

ஆசையாய் உறங்க முடியுமா

போதிக்க மறுத்த தலைவனை -இன்று

புறம்பான பேச முடியுமா

நீதிக்கதைகள் யாவையும் இன்றும்

நிலையாய் நிற்கக் காரணம்

ஆதித் தமிழனின்  பெருமையே-உணர்ந்து

ஆணவம் மறந்து வாழுவோம்

தேடிப் பிழைப்பதை மறந்து

தோழமை உறவும் மகிழ்ந்து

கூடி வாழ்வோம் ஊரில்-விரும்பி

குழுவாய் உழைப்போம் நிலத்தில்...

கவியாழி.கண்ணதாசன்