Showing posts with label /கவிதை/சமூகம்/ மகிழ்ச்சி. Show all posts
Showing posts with label /கவிதை/சமூகம்/ மகிழ்ச்சி. Show all posts

Friday, 25 October 2013

வாழ்த்தும் நிறையக் கிடைக்கிறது


வலைப்பக்கம் தினமும் பார்க்காவிட்டால்
வருத்தம் மிகுந்தே  தொடர்கின்றது
வாழ்கையில் இழந்ததாய் நினைக்கிறது
வேதனை மிகுந்தே தவிக்கின்றது

எண்ணங்களைப்  பகிர்ந்து கொண்டு 
எழுத்துலகில் நீந்தத் துடிக்கிறது
சின்ன வயது பையனோடும்
சேர்ந்திருக்க இன்றும்  முடிகின்றது 

இத்தனைநாள் மறைத்து வைத்த
இன்பமான தருணத்தை ரசிக்கின்றது
இனிமையான நினைவுகளை நன்றே
 இப்போதும் எழுத துடிக்கின்றது

வெளிநாட்டு உறவின் வேதனையும்
விருப்பமில்லா வாழ்வின் அவசியமும்
வேடிக்கைக் காட்டிச் செல்கிறது
வேதனை பலதும் மறைகிறது

வாழ்த்தும் நிறையக் கிடைக்கிறது
வசந்தமும் மீண்டும் தொடர்கிறது
வயதும் வேண்டி நினைக்கிறது
வாழ்க்கைச் சிறப்பாய் நகர்கிறது



=====கவியாழி=====

Monday, 23 September 2013

வணக்கம்...வணக்கம்...வணக்கம்

வந்துவிட்டேன் மீண்டும் வந்துவிட்டேன்
மக்களுக்கு வணக்கத்துடன்  வந்துவிட்டேன்
விதியாலும் சதியாலும் வேலைப்பளுவாலும்
விரக்தியின் காரணத்தாலும்  இதுநாளும்

மதிகெட்டும் மனமும் புண்பட்டும்
மக்களைக் காணாமல் இருந்துவிட்டேன்
வலைப்பக்கம் வரமுடியாமல்  நெட்டின்
வசதிஇன்றி தினமும் தவித்தேன்

கதையும் மாறியது கடந்தது
கவலையும் கொஞ்சமாய் தீர்ந்தது
நிலையும் தேறியது நெட்டும்
நிம்மதிதேடி இன்றுதான் வந்தது

வலைப்பக்கம் வாராது இருந்தேன்
வாழ்கையில் எதையோ இழந்ததாய்
வாரம் இரண்டும் தவித்தேன்
வந்துவிட்டேன் இனி மகிழ்வேன்

துணையாக வந்த எல்லோரும்
துடிப்பாக மீண்டும் வாருங்கள்
விலையாக அன்பைத் தருவேன்
வணங்கியே ஆசியும் பெறுவேன்