Showing posts with label கவிதை/உதவி/மகிழ்ச்சி. Show all posts
Showing posts with label கவிதை/உதவி/மகிழ்ச்சி. Show all posts

Sunday, 19 January 2014

கடவுள் போலச் சொல்வார்கள்

உதவி செய்ய வருவோர்கள்
உரிமையோடு  செய்வார்கள்
உணரும் துன்பம் யாவையுமே
உடனே தீர்க்கத்  துணிவார்கள்

எண்ணம் முழுதும் உண்மையாய்
என்றும் துணையாய் இருப்பார்கள்
எதிலும் உரிமை சொல்லியே
எளிதில் அன்பைப் பொழிவார்கள்

ஊரும் பேரும் தெரியாமல்
உற்ற நட்பு என்பார்கள்
உள்ளம் முழுதும் தெய்வமாய்
உணர்ந்துப் பழகி வருவார்கள்

இன்றும் நட்பாய் ஒருசிலரே
இப்படி மகிழ்ச்சி கொள்வார்கள்
இதயம் நிறைந்து எப்போதும்
இன்முகத்தோடு வாழ்வார்கள் 

கடமை என்றே எண்ணியே
கருத்தாய் செய்து முடிப்பார்கள்
கடந்து வந்து வெற்றியக்
கடவுள் போலச் சொல்வார்கள்


(கவியாழி)