Showing posts with label கவிதை/சமூகம்/மழை. Show all posts
Showing posts with label கவிதை/சமூகம்/மழை. Show all posts

Monday, 17 November 2014

கட்டிளங் காளையரும்.....

கொட்டி மழைப் பொழிகிறதே கொட்டோ வென்றே
 குடையெல்லாம் பறக்கிறதே அய்யோ வென்றே
தட்டிவீடும் நனைகிறதே சொட்டுசொட் டென்று-ஏழைக்கு
 தங்குமிடம் கிடைக்கவில்லை  எங்கும் சென்றே

பட்டித் தொட்டி கழனியெல்லாம் வெள்ளமாக
பயிரெல்லாம் அழுகுவதால் உள்ளம் ஏனோ
கட்டவிழ்ந்த  நிலையில் மனதைக் கண்டு-விவசாயி
கண்ணீரில் நீந்துகிறான் கனத்த மழையால்

கட்டிளங் காளையரும்  நொந்து போக
காடுமேடு இருப்பதுபோல் சாலை யெங்கும்
திட்டுத்திட்டாய் இருக்கிறதே எல்லா திசையும்-வேலைக்குத்
திட்டிக்கொண்டே செல்லுகிறார் சாலையிலே

விட்டுவிட்டு மழைப் பெய்வதாலே பெண்கள்
வீட்டில் இருந்தால் எல்லோருக்குமே கும்மாளமாம்
கெட்டிக்கார கணவன் மார்கள் மகிழ்ச்சியாக-இன்று
கேட்டதெல்லாம் வாங்கித்தருவார் மகிழ்ச்சியாக

(கவியாழிகண்ணதாசன்)