Showing posts with label கவிதை /சமூகம்/கேள்வி. Show all posts
Showing posts with label கவிதை /சமூகம்/கேள்வி. Show all posts

Sunday, 1 December 2013

கருவைச் சுமந்தவள்

கருவைச் சுமக்கச் சொல்லி
கடனாய்த் தந்தவன் ஒருவன்
கருவே உருவாகி வளர்த்தும்
கடமை என்றே கொடுத்தால்

உடமைப் பொருளும் பிடுங்கி
உணவாய்த்  தின்பவள் ஒருத்தி
உரிமை  கொண்டாடி மகிழ
உடலைத்  தந்த அவனும்

உயிரைக் கொடுத்தும் மயங்கி
உற்றார் மறுத்த பிள்ளை
பெற்றோர் கடமை மறந்து
போதையில் வாழ்தல் முறையா

இதனை எல்லா மதங்களும்
இழித்தே கூறி வந்தாலும்
எப்படி மகிழ்ந்து வாழ்வாய்
ஏனோ மறந்தாய் இகழ்வாய்

மனிதன் மட்டும் இதனை
மறந்தே வாழச் சொல்லும்
கடமை துறக்கச் சொன்ன
கடவுள் உண்டா மகனே

...............கவியாழி..........








Tuesday, 29 October 2013

மேல்சாதி நானென்று சொல்கிறான் ?

மெத்தப் படித்தவனும் பெருமையாய்
மேல்சாதி நானென்று  சொல்கிறான்
மேன்மக்கள் கீழ்மக்கள் உள்ளதென
மேடையிலும் பெருமையாய்ப் பேசுகிறான்

ஒத்த உள்ளங்களாய் இருந்தோரை
ஒரே வார்த்தையில் பிரிக்கின்றான்
ஊரேகூடி மகிழ்ந்தாலும் ஒருவனே
ஒப்பாரி வைக்கின்றான் நடிக்கின்றான்

உழைப்பதிலே ஒற்றுமையாய் இருந்தாலும்
உழுவதிலே சேர்ந்து மகிழ்ந்தாலும்
உத்தமனாய் சாதியை வளர்க்கிறான்
உதவாத காரியத்தைச் சொல்கின்றான்

சத்தியமாய் பேதமில்லை வாழ்கையிலே
சங்கடங்கள் குறைவில்லை  குடும்பத்திலே
சோத்துக்கும் கஷ்டமாக இருக்கின்றான்
சொந்தங்களும் மறுத்தே வாழ்கிறான்

இத்தனைக்கும் இருப்பது ஒரேஊரில்
இழவுக்கும் மகிழ்வுக்கும் செல்கின்றான்
இருந்தாலும் எப்போதும் சொல்கின்றான்
இவனெல்லாம் இன்ன சாதியென்று

எத்தனை நாள் இப்படியேச் சொல்லி
எல்லோரையும் பிரித்துப் பார்க்க
என்சாமியும் துணைக்கு வருகிறதோ
எல்லோரையும் பிரித்துப் பார்க்கிறதோ


.......கவியாழி........