Showing posts with label கவிதை/சமூகம்/கல்வி. Show all posts
Showing posts with label கவிதை/சமூகம்/கல்வி. Show all posts

Tuesday, 10 September 2013

கல்விக் கற்க உதவுங்கள்

பணம் மட்டும் வாழ்வாகாது
பணத்தை  உண்ண முடியாது
பணமும்  குணத்தை வாங்காது
பணமே வருந்தி அழாது

மனிதம் கண்டு மகிழுங்கள்
மக்கள் மனதில் நில்லுங்கள்
மட்டில்லாத உதவி செய்து
மற்றோர் மனதில் வாழுங்கள்

நேரில் பார்க்கா தெய்வத்தை
நேர்மை இருந்தால் காணலாம்
நன்மை நாளும் செய்தாலே
நன்றே மகிழ்ந்து காணலாம்

உண்மை உழைப்பு சத்தியத்தை
உலகில் அனைவரும் போற்றியும்
பெண்ணை மதித்து வாழ்ந்தாலே
பேரும் புகழும் கிடைக்குமே

கல்விக் கற்க உதவுங்கள்
கருணை கொண்டே செய்யுங்கள்
கஷ்டம் கொண்டே படிப்போரை
கண்டு உதவி செய்யுங்கள்

படிக்கும் பிள்ளைகள் யாவருமே
பதராய் போக மாட்டார்கள்
பண்பைச் சொல்லிக் கொடுத்தாலே
படிப்பில் மேன்மைக் கிடைத்திடுமே





Tuesday, 30 July 2013

விலை பேச வேண்டாமே...

விழியோரம் கண்ணீர்
விரலாலே தட்டி விட்டேன்
விதியாக வந்த சொல்லை
விதி மாற்ற முடியுமா

கதை தோறும் காட்சியும்
கண்டதாய் சொன்னபோது
கதை மாறிப் போகுமா
கதையென்றே மாறுமோ

சினம்கொண்டச் செயலால்
சிதைத்து விடும் மனதையே
சீர்நோக்கிப் பார்த்தாலே
சீக்கிரமே புரியாதோ

விலைப் பேச வேண்டாமே
விதி மாற்றக் கூடாதே
மதியாலே மாறிவிடு
மக்களையே வாழவிடு

விலைபோயிப் பயனென்ன
விடிந்ததுமே சேதிவரும்
உலைவாயை மூடினாலும்
ஊர்வாயும் மூடாதே

கலையாக பார்த்தாலே
கல்வியும் மகிழ்ந்திடுமே
கடவுளாம் சரஸ்வதியும்
கருணை வழி காட்டுமே

Saturday, 29 June 2013

கல்விப்பணி செய்வீரே....

நல்ல உள்ளம் கொண்டோரே
நாளும் மகிழ்ச்சியைக் கேட்போரே
இல்லா நிலையில் உள்ளோர்க்கு
இதயம் கனிந்தே உதவிடுங்கள்

கல்விப் பணியைச் செய்திடுங்கள்
கருணைக் கொண்டே வாழ்ந்திடுங்கள்
நல்லச் செயலைச் செய்வதற்கு
நான்குபேரைத் தத்தெடுங்கள்

காசுப் பணமாய் கொடுக்காமல்
கட்டணம் மட்டும் செலுத்தினாலே
பேசும் உலகம் உங்களையே
போற்றி மகிழும் நற்செயலை

இன்றைய நாளில் தவிப்போரை
இயலா நிலையில் உள்ளோராம்
அருகில் சென்று கேட்டறிந்து
அவரை உயரச் செய்வீரே

கல்விப் பணியை முடிந்தவரை
கடமையாகச் செய்து வந்தால்
எல்லா தெய்வமும் துணைவந்தே
ஏற்றம் நன்றாய் கொடுத்திடுமே