Showing posts with label / கவிதை/சமூகம்/. Show all posts
Showing posts with label / கவிதை/சமூகம்/. Show all posts

Thursday, 27 March 2014

அன்புச் செல்லக் குழந்தைகளே

அன்புச் செல்லக் குழந்தைகளே
அறிவில் சிறந்த முல்லைகளே
பண்பேக் குறையா செல்வங்களே
பாசம் மிகுந்த மொட்டுகளே

நல்லப் பிள்ளை அனைவருமே
நன்குப் பேசி மகிழுங்களே
அன்பு பாசம் அறிவையுமே
அறிந்து பகிர்ந்து சொல்லுங்களே

மாலைப் பொழுதில் விளையாடி
மகிழ்ந்து நட்பாய் ஆடுங்களே
மனதில் உள்ள எண்ணங்களை
மதித்து உணர்ந்து செய்யுங்களே

நல்ல நல்லக் கதைகளையும்
நல்லோர் சொன்ன கருத்துகளும்
நாளும் படித்து வாருங்களே
நாட்டில் சிறந்து வாழுங்களே

அன்னைத் தந்தை சொல்வதிலே
அர்த்தம் உணர்ந்து கொள்ளுங்களே
அறிவைச் சொல்லும் ஆசிரியர்கள்
ஆழ்ந்து  மகிந்து   படியுங்களேன்


(கவியாழி)

Friday, 11 October 2013

வாழ்கையும் இன்னுமே ......கலங்காதீர்

வயதாகிப் போனாலும் வற்றாத
வாலிபமும் மீண்டும் திரும்பாத
வாழ்த்துகின்ற வயதிலும் வந்திடும்
வாடிக்கையாய் அன்றி நின்றிடும்

திரும்பாத முகத்தையும் திருப்பிடும்
தீராத ஆசையைத் தூண்டிடும்
தெரிந்தோரை மீண்டுமே அழைத்திடும்
திரவியம் உள்ளதைக் காட்டிடும்

வருந்தாத உள்ளங்கள் இல்லையே
வார்த்தையில்  சொல்லவும் மில்லையே
பொருந்தாத இடத்திலும் பொங்கிடும்
புகழையும் சமயத்தில்  மழுக்கிடும்

தெரிந்தோரே உண்மையை சொல்லுங்கள்
தெளிவில்லா சங்கதி இன்றுமே
தொடர்ந்திடும் என்பதும் உண்மையா
தெளிந்தீரா இப்போதும் நன்மையாய்

அன்பெனும் அடிமை உண்மையாய்
அமைந்திட்ட வாழ்கையே நன்மையாய்
துன்புறும் மனதையும் காத்திடும்
தூயஒழுக்கமும் வாழ்வில் சேர்த்திடும்

புரிந்தீரா சொலவதைக் கேட்டதை
புலப்படுதா சொல்லிலே உண்மையை
வருந்தாத வாலிப மூத்தோரே
வாழ்கையும் இன்னுமே ......கலங்காதீர்

Monday, 7 October 2013

மீசை மட்டுமே அழகா

மீசை இருந்தால் அழகேதான்
மாதமும் மழித்தால் நல்லதுதான்
ஆசை அதனால் குறையாது
ஆயுளில் அதனால் பயனேது

மீசை இல்லா முதியோரே
மீண்டும் வசந்தம் கேட்பாரோ
மீண்டும் மீசை வையுங்கள்
மிகுந்த இன்பம் கொள்ளுங்கள்

ஆண்கள் அனைவரும் பெரும்பாலும்
ஆசைக் கொண்டே வளர்திடுவர்
ஆயுள் முழுக்க சிலபேரோ
அதையும் துறந்தே இருக்கின்றனரே

அய்யா பெரியவர்  என்னிடமே
அதனால் கடிந்தே பேசியதால்
என்னா செய்வேன் இளையவன்நான்
எப்படி மறுத்தே சொல்லிடுவேன்

அய்யா வயதில் மூத்தோரே
அய்ந்தாம் நிலையில் உள்ளவரே
அடியேன் என்னை வெறுக்காதீர்
அன்பைக் கொடுக்க மறக்காதீர்


Sunday, 4 August 2013

இப்படியும் என்னை வாழ்த்தியோர்


அன்புள்ள நட்புகளுக்கு அடியேனின் வணக்கம்

கடந்த 24.04.2013 அன்று நான் எழுதிய 'நான் புலமை அறிந்தப் புலவனில்லை" என்ற கவிதைப் பற்றி கருத்து கூறியவர்களில் பலர் என்னை கவிஞரே ,பாவலரே,புலவரே என்றும் அருமையாக எழுதுவதாகவும்,தொடருங்கள் என்றும் எல்லா இலக்கணமும் உள்ளடங்கியுள்ளது என்றும் எழுத்துப் பிழை உள்ளதென்றும் முயற்சி தொடரட்டும் என்றும் வாழ்த்தியவர்கள் வணங்கியவர்கள் பலபேர் இருந்தாலும் கருத்தே கூறாமல் இருந்த நல்ல உள்ளங்கள், இனிய நண்பர்கள் நான் பெரிதும் மதிக்கும் நல்லோர்க்கும் எனது பணிவான வேண்டுகோள்" தொடர்ந்து படியுங்கள் கருத்தை சொல்லுங்கள் என்று கரம்கூப்பி வேண்டிக்கொள்கிறேன்.

மேலும் இனிமேல் கவியாழி என்ற புனைப் பெயருடன் மட்டுமே எழுதவே விரும்புகிறேன். மேலும் தளத்துக்கு பெயர் வேண்டும் என்ற காரணத்தினாலேயே கவியாழி என்று பெயர் வைத்து எழுதி வந்தேன். இந்தப் பெயர் வைக்க காரணம் கவிதையை ரசிக்கும் யாழின் இசை  ரசிகன் என்ற வரியின் சுருக்கமே "கவியாழி".கண்ணதாசன் என்ற இயற்பெயர் இருந்தாலும் அந்த மாபெரும் கவிஞரின் பெயரை எவ்விதத்திலும் களங்கப் படுத்தாமல் தவிர்த்து நான் புனைபெயரில் இனிமேல் எழுத உள்ளேன். எனவே தொடர்ந்து எனக்கு ஆதரவு தரவேண்டி வேண்டுகிறேன்.

மேலும் எனக்கு பொருத்தமான பெயரைச் சொன்னால் வணங்கி ஏற்றுக்கொள்வேன் மகிழ்வேன் கவியாழியோடு இணைத்துக் கொள்வேன்



Ramani S24 April 2013 17:
அருமையான கவிதை
இலக்கணம் தெரிந்தவர்கள் எல்லாம்
கவிதை இயற்றிட முடியாது
ஆயினும் கவிதை இயற்றிட ஆர்வம்
கொண்டவர்கள் இலக்கணம் கற்றுக் கொண்டு
கவிதை வடித்தால் சிறப்பாக இருக்கும்
அதுவும் இலக்கணம் அறிந்து பின்
இலக்கணம் மீறி கவிதைப் படைத்தால்
இன்னும் சிறப்பாக இருக்கும்
முதலில் சைக்கிள் பழகுபவன்
ஹேண்ட் பார் பாலேன்ஸ் பண்ணத் தடுமாறி
பின் ஹேண்ட்பாரைத் தொடாதே சைக்கிள்
ஓட்டுதலைப்போல
இது என்னுடைய கருத்து
******************************************
திண்டுக்கல் தனபாலன்24 April 2013 12:33
கவிதைகள் பல எழுதி எல்லாத்துன்பங்களையும் மறையச் செய்க... வாழ்த்துக்கள்...
******************************************
இளமதி24 April 2013 12:46
சகோதரரே!...
நானும் உங்கள் மனநிலை, செயல் ஒத்தவளே...
மொழிப்பற்றும் ஆர்வத்தின் காரணமாகவும் எழுதுவதை பகிர்வதுண்டு.
இலக்கண இலக்கிய திருத்தங்களை அதில் தேர்ந்தவர்கள் உரைப்பார்கள்.

இங்கு உங்கள் கருத்தில் தவறெதுவும் என் அறிவிற்கு புலப்படவில்லை. எழுத்துபிழைகள்தான் அதுவும் கணனிதட்டச்சுவதில் ஏற்படுவது சிலசயம் தவிக்க முடியாமல் போகிறது. எனக்கு இப்பிரச்சனை உள்ளது.

மனஞ்சோராமல் தொடர்ந்திடுங்கள் உங்கள் பணியை. போகப்போக திருத்தம் வரும்.
வாழ்த்துக்கள் சகோ!
*****************************************
கி. பாரதிதாசன் கவிஞா்26 April 2013 00:48

வணக்கம்!

தமிழ்மணம் 10

எல்லாம் அறிந்தோர் எவரும் இலையென்பேன்!
வல்லோன் அடிகளை வாழ்த்து!

கவிஞா் கி. பாரதிதாசன்
தலைவா்: கம்பன் கழகம் பிரான்சு
****************************************************
அருணா செல்வம்26 April 2013 03:48
அருமையான கவிதை கரு.
கவிதைக்குக் கருத்துதானே முக்கியம்.

தொடருங்கள் கவியாழி ஐயா.
நானும் தொடருகிறேன்.
********************************************
Jeevalingam Kasirajalingam26 April 2013 05:01
ஐயா! அசை, சீர் பார்த்து
எதுகை, மோனை ஆடையுடுத்து
அடி, தொடை பிசகாமல்
அழகாய்ச் சொல்கிறீர்
"நான்
புலமை அறிந்தப் புலவனில்லை" என்று!
தங்கள்
அவையடக்கம்
பாராட்டத்தக்கது!
ஐயா!
எழுத்தை உழைப்பாக்க வேண்டாம்
உலகெங்கும் தூயதமிழ் பேண
எழுத்தை ஒரு பணியாகக் கொள்ளும்!
தவறின்றித் தமிழ் பரப்ப
உன் நண்பர்கள்
தோள்கொடுப்பர் பாரும்!
********************************************

ஹேமா26 April 2013 15:56
அவையடக்கம் ஐயா நிறையவே உங்களுக்கு.எத்தனை விஷயங்களைத் தொட்டுப் புனைகிறீர்கள் கவிதைகளை.வாழ்வின் சுவாரஸ்யம்,அனுபவம் காதல் எல்லாமே சிறப்புத்தான்.வாழ்த்துகள் உங்களுக்கு.உங்களிடம் ஆசீர்வாதம் கேட்டபடி தொடர்கிறோம் !
********************************************** 
குட்டன்24 April 2013 20:30
கவியாழியே இப்படியென்றால் கற்றுக்குட்டிகள் என்ன சொல்வது!
**********************************************
Chellappa Yagyaswamy25 April 2013 07:55
“முனைவராய் நானே படித்தது மில்லை, முறையே தமிழைக் கற்றது மில்லை” என்கிறீர்களே, நண்பரே! இந்த இரண்டும் இல்லாத காரணத்தால் தான் உங்களுக்கு இந்த அளவாவது எழுத வருகிறது என்பேன். பாரதிக்கும் பாரதிதாசனுக்கும் உள்ள வித்தியாசம் இது தானே! கண்ணதாசனுக்கும் பாரதிதாசனுக்கும் உள்ள வித்தியாசமும் இது தானே! பட்டப் படிப்பும், முறையான இலக்கணப் படிப்பும் படைப்பாற்றலைத் திசை மாற்றிவிடும் தன்மை கொண்டவை என்பதற்கு இன்னும் எவ்வளவோ எடுத்துக்காட்டுகள் கூற முடியும். எனவே தொடர்ந்து எழுதுங்கள். நிறைய கவிதைகள் படித்துக்கொண்டே இருங்கள். தன்னிரக்கமும், அழுகுரலும் தவிருங்கள். ‘பாஸிட்டிவ்’ கவிதைகளையே எழுதுங்கள். இன்று நாட்டுக்குத் தேவையானது அதுவே!
**********************************************

ஆர்வமுடன் கவிதை எழுதும் அனைவருக்கும் பொருத்தமான அறிவுரை!
*********************************************

S.டினேஷ்சாந்த்24 April 2013 14:57
உங்களுக்கு மட்டுமல்ல இங்கே கவிதை எழுதும் பலருக்கும் இக்கவிதை பொருந்தும்.நல்ல கவிதை
*********************************************
கோமதி அரசு24 April 2013 15:17
பணியால் முடங்கி போகும் போதும்
பார்பவர்க் கலங்கி வருந்தும் போதும்
துணையாய் நின்று ருகும் போதும்-எனக்கு
துன்பம் மறக்கக் கவிதை எழுதுகிறேனே//
************************************************

கவிகவிதை வீதி... // சௌந்தர் //24 April 2013 12:27
கற்றது கைளயவு தானே....
அழகான தன்னடக்க கவிததை அருமை.
*************************************************
Tamizhmuhil Prakasam24 April 2013 15:20
அருமையான கவிதை ஐயா !!! உலகில் உள்ள அழகினை இரசிக்கத் தெரிந்தவர்கள் மற்றும் சிறுமை கண்டு பொங்குபவர்கள் கவிஞர்களாவதில் அதிசயமேதுமில்லை. வாழ்த்துகள் !!!
*************************************************
கலாகுமரன்24 April 2013 15:56
புலமை மிக்க கவிதை.. வாழ்த்துக்கள்.
*********************************************

poovizi24 April 2013 18:21
துணையாய் நின்று ருகும் போதும்-எனக்கு
துன்பம் மறக்கக் கவிதை எழுதுகிறேனே//

அருமை கவிஞ்சரே
******************************************** 
பட்டிகாட்டான் Jey24 April 2013 19:08
Arumai !
**********************************************
கிரேஸ்25 April 2013 08:10
//இலக்கணம் முழுதாய் கற்றவ னில்லை
இலக்கியம் நாளும் படிப்பது மில்லை
வழக்கிலே வருகின்ற மொழியாலே-தமிழ்
வார்த்தைக் கொண்டே எழுதிடும் நானே// அது தானே நம் நாட்டுப்புறப் பாடல் ஐயா..இலக்கணம் இலக்கியம் எல்லாம் பார்த்தா பாடினார்கள்..நம்மில் கலந்திருக்கும் நம் மொழி எழுதவைத்திடும் அல்லவா? கவி அருமை.
***********************************************

மனோ சாமிநாதன்25 April 2013 18:13
மகிழ்வினில் எழுதும் கவிதையைக் காட்டிலும் வலியில் எழுதும்போது தான் கவிதை வரிகள் அழகாய் வந்து விழும். அதில் சத்தியமும் அழகும் சேர்ந்து வரும். அது போன்ற கவிதைகள் தொடர்ந்து எழுதுங்கள்!!

***********************************************
நல்ல உள்ளங்களுக்கு நன்றி


கவியாழி
சென்னை