கண் கண்ணாடியைக் காணவில்லை

கண்கண்ணாடியைக் காணவில்லை
கண்டு பிடிக்க முடியவில்லை
கண் அழற்சியானதால் எப்போதும்
கண்சிவந்து எரிச்சல் தாளவில்லை

இல்லத்தார் எல்லோரும் கண்டுபிடிக்க
இண்டு இடுக்கு  இடமெல்லாம்
இரண்டு நாளாய்த் தேடுகிறோம்
இயலவில்லை இருக்குமிடம் தெரியவில்லை

நாவறண்டு கத்தினாலும் முடியாது
நாநயமாய் பேசினாலும் வந்திடாது
நான்வைத்த இடத்தைக் காணாமல்
நண்பர்கனிடம் சொன்னாலும் கிடைக்காது

மூன்று வயது நினைவுகூட
முந்தி கொண்டு வருகிறது
மூக்கில் மாட்டும் கண்ணாடியின்
மூடிப்போன இடம் தடயமில்லை

பேயறைந்த முகத்தைப் பார்த்து
பேரன் பேத்தி  சிரிக்கிறார்கள்
பேந்த பேந்த முழிப்பைப் பார்த்து
பேருதவி மனைவியும் செய்கிறார்கள்

வீட்டுக்கு வந்தவரின் கதையை
விருப்பமின்றிச் சொன்னபோது  நானும்
விட்டுவிட்ட பொருள் கணக்கை
விபரமாகச் சொல்ல முடியவில்லை