வேள்விக்கு வருவாயா?

சந்தனத்தில் சிலைவடித்து
சவ்வாது நீறு பூசி
வாசமலர்போல் வானெங்கும்
வாசமெங்கும் வீசுகின்ற
ஈசன் மகளா ?

மான் கூட்டமெல்லாம்
மயங்கி மண்டியிட்டு நிற்கும்
மயில் கூட்டமோ ?
மகிழ்ந்து ஆடி தோகை விரிக்கும்
மங்கையுனைப் பார்த்ததாலா ?

சிற்றுடல் மங்கையே
சிவந்த நிற மங்கையே
பற்றுதலாய் கேட்கிறேன்
பாசத்துடன் வருவாயா
பக்கம் வந்து அணைப்பாயா ?

ஏன்  மறுக்கிறாய்
ஏதோ மழுப்புகிறாய்
இன்னும் ஏன் வெட்கம்
என்றும் நமக்கே சொர்க்கம்
வேள்விக்கு வருவாயா?