தொந்தியைப் பார்த்துச் சிரிக்கிறார்கள்

எட்டுமாத கர்பிணிபோல்
எப்போதும் முந்தி நிற்கும்
கட்டுடம்பு மாறியே காட்சிதரும்
காற்றடைத்த வயிற்றினாலே

குனிந்து நின்று பாராது
கூணுடம்பு உள்ளோர்க்கு
ஏனிந்த வேதனை-எல்லாமே
உணவால் வந்த சோதனை

இளையோருமின்று இப்படித்தான்
எழில் துறந்து காணுகிறார்
தொழிலாகப் பலபேர்-அதை
துணையாக கொண்டுள்ளார்

எத்துணைப் பயிற்சிகள்
எப்போதும் செய்தாலும்
அழகைக் கெடுக்க -விரைந்து
ஆர்வமாய் முந்துகிறாய்

தொந்திகணபதியை துதித்து
தேங்காய் உடைக்கிறார்கள்
தேடிபோய் சிரித்து நின்றால்-என்
தொந்தியைப் பார்த்துச் சிரிக்கிறார்கள்

அடுத்தவர் பார்த்தாலும்
அதைப்பற்றிக் கவலையின்றி
கொடுக்கின்ற சத்ததால்- உன்னை
அசிங்கமாய் பார்க்கிறார்கள்