தினமும் பார்த்தேச் சிரித்திடுமாம்

ஒவ்வொரு உயிருக்கும் உணர்ச்சியுண்டு

உண்மையில் அதற்குமே வருத்தமுண்டு

பூவும் பிஞ்சும் உதிர்வதனால் பெற்றவள்

மரத்துக்கும் செடிக்கும் பிரிவுண்டு

பொல்லா நோயும் வரும்போதும்

பொழுதும் தலையைச் சாய்த்திடுமே

எல்லா உயிரும் மரணத்திலே

ஏக்கம் கொண்டே மடிந்திடுமே

இடியும் மழையும் வரும்வேளை

மனதில்  மகிழ்ந்தே இருந்திடுமே

இயற்கை சீற்றம் வரும்போது

எளிதில் பயந்தே சரிந்திடுமாம்

நீரைச் சுவைத்தே வாழ்த்திடுமாம்

நிம்மதி கொண்டேப்  பாடிடுமாம்

தேரைப் பாம்பு பூச்சிகளை

தினமும் பார்த்தே சிரித்திடுமாம்

இயற்கைப் பொய்த்துப் போனாலே

எல்லா உயிரும் கலங்கிடுமாம்

எப்படி மனித வாழ்க்கையோ

 அதற்கும் அப்படி உயிருண்டாம்