திருவாளர்கள் ;ரமணி அய்யாவும்,திண்டுக்கல் .தனபாலன் அவர்களும்

 






ரமணி அய்யாவும்,திண்டுக்கல் .தனபாலன்  ஆகிய இருவரைப் பற்றி எல்லோருக்குமே தெரிந்திருக்கும். இருவரும் தாய் தமிழகத்தைச் சேர்ந்தவர்கள் இருவருமே புதியவர்களை தேடிக் கண்டுபிடித்து அவர்களை ஊக்கப் படுத்துவதில் இருவருக்கும் நிகர் எனக்குத் தெரியவில்லை .

பெரும்பாலான தளத்தில் சென்று வாசித்து அதற்கு வாக்களிப்பதோடல்லாமல் அவர்களைப் பற்றி தெரிந்து கொண்டு திருத்தங்கள் ஏதேனும் இருந்தால் சொல்லி உற்சாகப் படுத்தும் நல்ல உள்ளம் படைத்தவர்கள்.

அதுமட்டுமல்ல  இருவரின் பதிவுகளும் எல்லோரும் விரும்பிப்படிக்கும் படி சிறப்பாகவும் சிந்திக்கும்படியும் இருக்கும்..ரமணி அய்யா எழுதும் தமிழுக்கு  நிகர் அவரேதான். ஒவ்வொருமுறையும் நான் ஏதாவது பிழை இருக்காதா  அவரிடம் சொல்லித் திருத்தி பேர் வாங்கலாமே என்று நினைத்தால் அதற்கு இன்றுவரை வாய்ப்பே இல்லை.அவ்வளவு சிறப்பாக எளிமையாக எல்லோருக்கும் புரியும்படி தெளிவாக எழுதுகிறார்.

இலக்கணம் பற்றி எனக்கு எளிமையாக விளக்கும்போது நான் அவர் அருகில் இருந்து தெரிந்து கொள்ளும் சந்தர்ப்பம் கிடைக்காத என ஏங்கி வருகிறேன்.அவரும் என்னை மதுரைக்கு வரச்சொல்லியிருக்கிறார் ஆனால் எனக்குத்தான் நேரமும் சந்தர்ப்பமும் கிடைக்கவில்லை.

திண்டுக்கல் தனபாலன் கணினியி கல்விப் பற்றிப் போதிய கல்வியறிவு இல்லாவிட்டாலும் அவரின் தீவிர முயற்சியால் புதுவிதமான யுக்திகளைக் கையாண்டு சிறந்த முறையில் பதிவிட்டு வருகிறார்.தரத்துடனும் அழகாகவும் அடுத்தவர் பொறாமைப்படும் அளவுக்கு மிக நேர்த்தியாக கணினியில் அவரின் வேலைப்பாடு இருக்கும்.

அதேபோல் பிறருக்கு கணினிப் பற்றிய சந்தேகமெனில் தானாக முன்வந்து தளத்தை சீர்செய்து இணைப்புகளை உருவாக்கித்தருவார். 24*7 எல்லா நேரத்திலும் இவரை தொடர்பு கொண்டு உதவிக்கு அழைக்கலாம்.கணினி உலகில் உலா வரும் பலர் வெளிநாட்டிலிருந்தும் இவரின் உதவியைப் பெற்று பயனடைகிறார்கள் என்பதை நானறிவேன்.

 அதிகப் பதிவு எழுதாத, படிக்கத்  தெரியாத பதிவர்களின் மத்தியில் இவர்கள் இருவரும் ஜொலிக்கும் நட்சத்திரங்களாய்  மின்னிக் கொண்டிருக்கிறார்கள்.
பதிவர்களுக்கு சேவையும் ஆலோசனையும் செய்து ஒவ்வொரு தளத்துக்கும் சென்று வரும் இவர்களின் பணியை அவசியம் எல்லோரும் பாராட்டதான் வேண்டும்.

இப்போதும் அடிக்கடி பதிவுகளும் கொடுத்து  வாக்களித்தும் வரும் இருவரின் பணியை  சேவையை நான் மனதார மனமகிழ்ந்து தனிப்பட்ட முறையில் நான் பாராட்டுகிறேன்.


இவர்களைப்போல் பதிவுலகில் சேவை செய்துவரும் பல நண்பர்களைப் பற்றி நீங்களும் ஏன் ஊக்கப் படுத்தும் விதமாய் பாராட்டலாமே...தொடருங்கள்....

கவியாழி
சென்னை