கண்தானம் செய்வீர்.........

               

கண்ணே விழியே கயல்விழியே

காண்பது அனைத்தும் உன்எழிலே

என்னே சிறப்பு நான் பார்க்க

எப்படி இறக்கும் நீ நோக்க

எங்கினும் கண்டிடும் எழிலழகை

எல்லா நிறத்தின் கலையழகை

அறிந்தவர் தெரிந்தவர் அனைவரையும்

அறியத்தானே கண் படைத்தான்

இப்படி சிறந்த அவயத்தை

எப்படி வீணாய் அழித்திடலாம்

 இறந்தும் தானம் கொடுத்திட்டால்

எழிலை மீண்டும் பார்த்திடலாம்

ஆணோ பெண்ணோ அனைவருமே 

அவயம் உதவும் மனமிருந்தால்

கண்ணின் மணியைத் தந்திடலாம்

கடவுள் படைப்பாய் வாழ்ந்திடலாம்

இறந்ததும் உலகம் இருண்டதாய்

இப்படி நாமேன் யோசிக்கணும்

இரண்டு விழிகளும் தானம்செய்வீர்

இருவர் வாழ்வில் ஒளிகொடுப்பீர்

இதயங்கள் போற்ற வாழுங்கள்

இறைவனின்செயலைச் செய்யுங்கள்

விழியே இன்றி வாழ்வோருக்கு

விடியல் கிடைத்திட உதவுங்கள்