சென்னையில் இன்று நடைபெற்ற இண்டி.பிளாக்கர் கூட்டம்.

இன்று பகல் 2.00மணிக்கு சென்னை அண்ணாசாலை அறிவாலயம் அருகிலிருக்கும் ரியாத் ஹோட்டலில் இண்டி பிளாக்கர் கூட்டம் நடைபெற்றது.இதில் குறைந்தது இருநூறு பிளாக்கர்கள் வந்திருந்தார்கள்.அனைவரும் அழைப்பின் பேரிலும் முன்பதிவு செய்தும் வந்திருந்தார்கள்.இதில் எல்லா மொழிகளில் இருந்தும் பிளாக் வைத்தவர்கள் பங்கேற்றிருந்தார்கள்

இதில் பங்கேற்ற பெரும்பாலானோர் இளையத் தலைமுறையினரே அதிக அளவில் இருந்தார்கள்.பெரும்பாலானோர் ஆங்கில பிளாக் வைத்தவர்களும் தமிழ்,தெலுங்கு,மலையாளம் போன்ற பிறமொழியினரும் பங்கேற்றார்கள்.எல்லோருமே ஒன்றுக்கும் மேற்பட்ட கணக்குகளில் தங்களது திறமையை வெளிப்படுத்தி வருபவர்களாம்.பெண்களும்கூட நிறையப்பேர் வந்திருந்தார்கள்.

ஆரம்பம் தாமதமானாலும் அடுத்தடுத்து பல நிகழ்சிகளை ஏற்பாடு செய்து,எல்லோருக்குமே ஊக்கப் பரிசாக திரைப்பட நுழைவு சீட்டு கூப்பன்களை கொடுத்தார்கள் .இடையிடேயே எல்லோரையும் அறிமுகப்படுத்திப் பேசவைத்தது சிறப்பாக இருந்தது.

மதிய உணவு சைவம் அசைவம் பிரியாணி போன்ற ஆடம்பர உணவுகளை விரும்பியபடி கொடுத்து மகிழ்ந்தார்கள்.இடைவேளைக்குப்பின் குழுக்களாக பிரித்து குழு நிகழ்ச்சியை நடத்தினார்கள்முதல், இரண்டு மூன்று குழுக்களுக்கு பரிசுகளை வழங்கினார்கள்.அதுபோல பொதுசேவைச் செய்துகொண்டு இருப்பவர்களின் அனுபவங்களை எல்லோரிடமும் பகிர்ந்து கொள்ள வாய்ப்புக்கொடுத்து மற்றவர்களையும் ஊக்கப்படுத்திய விதம் பாராட்டுக்குரியது

அதுதவிர பரிசாக சிலருக்கும் சாம்சங் கலேக்சி கைப்பேசியும் கொடுத்தார்கள் இறுதியில் ஒருவருக்கு மாருதி எஸ்4சொகுசு காரும் பரிசாக கொடுத்தார்கள்.முடிவில் பங்குபெற்ற எல்லோருக்கும் நினைவுப் பரிசாக இண்டி பிளாகர் பனியனையும் கொடுத்து எல்லோரையுமே கௌரவப்படுத்தினார்கள்.இறுதியில் கூட்டம் முடிந்ததும் எல்லோருக்குமே தேனீர் காப்பி,வடை கொடுத்து சிறப்பித்தார்கள்.

இந்த விழா ஏற்பாடுகளை அம்பிபூர் நிறுவனமே எல்லா செலவுகளையும் செய்து இவ்விழா சிறக்கப் பேருதவியாக இருந்தார்கள்.

இங்கு வந்திருந்த எல்லா வயதினரும் ஆர்வமோடு பங்குபெற்று நிகழ்ச்சியை சிறப்பித்தது மகிழ்ச்சியாய் இருந்தது.இந்த தருணத்தில் இண்டி பிளாகர் நிறுவனத்துக்கும் ஆம்பிபூர் நிறுவனத்துக்கும் நன்றியை சொல்லுவது சிறப்பாகும்.