சிரித்து மகிழ்ந்தே ஆடுமாம்

வானத்துக்கும் மேகத்துக்கும் சண்டையாம்
மின்னலும் மழையும் இருக்குமாம்
சூரியனுக்கும் பூமிக்கும் ஏக்கமாம்
சந்தோசம் தினமும் வேண்டுமாம்

எருவுக்கும் நிலத்துக்கும் கல்யாணமாம்
எல்லா பயிருக்கும் உற்சாகமாம்
மலருக்கும் தேனிக்கும் இன்பமாம்
மகரந்தம் பூக்களின் கொண்டாட்டமாம்

பயிருக்கும் பூச்சிக்கும் சண்டையாம்
புழுவுக்கும் குருவிக்கும் கும்மாளமாம்
பசுமைக் குளிர்ச்சியாய் இருக்குமாம்
பார்க்கும் எல்லாமே மகிழ்ச்சியாம்

ஆட்டுக்கும் மாட்டுக்கும் உற்சாகமாம்
ஆனந்த பாட்டோடு ஊர்கோலமாம்
செடிகளுக்கும் கொடிகளும் கூடுமாம்
சிரித்து மகிழ்ந்தே ஆடுமாம்

இதெல்லாம் காணும் உழவனுக்கு
எப்போதும் கிடைக்கும் மகிழ்ச்சியாம்
தப்பாக எண்ணாத அன்னாருக்கு
இப்போது காணாத வறட்சியாம்