கத்திரி வெய்யிலை வெல்லுவோம்

ஆண்டில் சிலநாள் இதுபோல
ஆருடம் பலநாள் சொல்லிவரும்
தாண்டவ மாடும் வெய்யிலில்-சூரியன்
தகதக வெனவே எரிந்திடுமாம்

மரமும் செடியும் காய்வதற்கும்
மாடுகள் ஆடுகள் மடிவதற்கும்
தினமும் சிலபேர் மடிவதற்கும்-கதிரவன்
தீக் கதிரை வீசுவதேன்

மக்கள் துயரில் வாழ்வதற்கும்
மலையை நோக்கிச் செல்வதற்கும்
அக்கம் பக்கம் எல்லோரும்-சூடாய்
அலைந்தே திரிய வைப்பதுமேன்

சின்னஞ் சிறுவர் பெரியோரை
சீண்டும் கொடுமைக் காரணத்தால்
எண்ணம் யாவும் சுட்டெரிக்கும்-உடலில்
எல்லா நோயும் சேர்ந்திடுமே

வெய்யிலில் நாளும் அலைவதற்கு
வேறுவழியை தெரிந்தெடுத்து நாம்
வீணாய் சுற்றி வருவதையே-கொஞ்சம்
வேதனையோடு நிறுத்தி வைப்போம்

குளுர்சியான உணவுகளும் நன்றே
குளிர்மைப் பானைத் தண்ணீரும்
மகிழ்ச்சியான காய்கனிகள்-பச்சை
மனதில் தருமே உற்சாகம்

இந்த வேதனை எனக்குமே
இன்றும் இங்கே உள்ளதால்
நொந்த நிலையும் இதுவாகும்-உங்கள்
நோயை நீவிர்த் தடுப்பீரே