Thursday, 27 March 2014

அன்புச் செல்லக் குழந்தைகளே

அன்புச் செல்லக் குழந்தைகளே
அறிவில் சிறந்த முல்லைகளே
பண்பேக் குறையா செல்வங்களே
பாசம் மிகுந்த மொட்டுகளே

நல்லப் பிள்ளை அனைவருமே
நன்குப் பேசி மகிழுங்களே
அன்பு பாசம் அறிவையுமே
அறிந்து பகிர்ந்து சொல்லுங்களே

மாலைப் பொழுதில் விளையாடி
மகிழ்ந்து நட்பாய் ஆடுங்களே
மனதில் உள்ள எண்ணங்களை
மதித்து உணர்ந்து செய்யுங்களே

நல்ல நல்லக் கதைகளையும்
நல்லோர் சொன்ன கருத்துகளும்
நாளும் படித்து வாருங்களே
நாட்டில் சிறந்து வாழுங்களே

அன்னைத் தந்தை சொல்வதிலே
அர்த்தம் உணர்ந்து கொள்ளுங்களே
அறிவைச் சொல்லும் ஆசிரியர்கள்
ஆழ்ந்து  மகிந்து   படியுங்களேன்


(கவியாழி)

Sunday, 23 March 2014

கான்க்ரீட் காற்றும் காடுகளும் மரங்களும்

         தென்றல் காற்று ,மழைக் காற்று ,சோலைக் காற்று ,வாடைக் காற்று என பலவாறு  அழைத்தேப் பழக்கப்பட்ட நமக்கு கான்க்ரீட் காற்றுப் பற்றியும் தெரிந்திருக்கும்.அவ்வாறு தெரியாத நண்பர்களுக்காக இந்தப் பதிவைப் பகிர்வதற்கு விரும்புகிறேன்.

         தமிழகம் மட்டுமல்ல இந்தியா முழுதும் காட்டிலும் குடிசையிலும் கொட்டடியிலும் சாலை ஓரத்திலும் குறுகியக் குடிலையே வசிப்படமாகக் கொண்ட அடித்தட்டு மக்களின் கல்வி மற்றும் பொருளாதார மேம்பாட்டினால் சிறிதேனும் சேமிப்பை வைத்துக் கொண்டு கடன் வாங்கியாவது ஒரு சிறிய தார்சுக் கட்டிடத்தை  கட்டி  வசிக்கும் நிலையில் எல்லோருமே ஆசைப் படுகிறார்கள்.

        கட்டுமான நிறுவனங்களும் போட்டிப் போட்டுக்கொண்டு அழகிய சிறந்த பாதுகாப்பான காற்றோட்டமான ,வெளிச்சமான வீடுகளை தொகுப்பு வீடுகளாய்,அடுக்குமாடிக் குடியிருப்புகளாய் தனி பங்களாக்களாய்  கட்டி  அவரவர் விரும்பும் வண்ணம் கண்ணைக்கவரும் வகையில் விலையைக் கூட்டியும் கட்டிக் கொடுக்கிறார்கள்.

        மேலும் கூட்டுக் குடும்பமுறை நடைமுறையில் தவிர்க்கப் படுவதாலும் ,வேலைக்காக சொந்த ஊரை விட்டு தனிக்குடித்தனமாய் வாழ வேண்டிய அவசியம் ஏற்படுவதனால் வீட்டின் பயன்பாடு அதிகரித்துள்ளது.எனவே இன்று காடுகள் அழிக்கப்பட்டு விவசாயம் தவிர்க்கப் பட்டு விளைநிலங்களும் வீட்டுமனைகளாய் அடுக்குமாடிக் குடியிருப்புகளாய் மாறியுள்ளது.

        எனவேதான் இன்று விவசாய நிலங்களெல்லாம் கான்க்ரீட் காடுகளாய் மாறியுள்ளது அதனால் காற்றும் மாசுபட்டு கான்க்ரீட் காற்று அதாவது சூடன காற்று மட்டுமே அனேக இடங்களில் வீசுகிறது.அதனால்தான் பருவநிலை மாறி மழைபெய்வதும் குறைந்துள்ளது.இயற்கைக் காற்று தவிர்த்து இன்னல்தரும் செயற்கை காற்றினால் கண்ட பலன் நோயும் நொடியுமே.

           மரங்களை வெட்டும்போதே ஒன்றுக்கு இரண்டு என்ற அளவில் வளர்த்தால் இனி வரும் சந்ததிகளாவது  நல்ல காற்றை சுவாசித்து வாழ நாமேன் முயற்சி செய்யக் கூடாது? நண்பர்களே சிந்தியுங்கள் இனியாவது  முயற்சித்தால் நிறைய மரங்களை வளர்க்க முடியும் மரங்கள் வளர்த்தால் மழைகிடைக்கும்  மீண்டும் தென்றல் காற்றும் வீசும் .முடிவு நம்கையில் சிந்தியுங்கள்

Friday, 21 March 2014

தத்து நடை நடந்துவந்து....

தத்து நடை நடந்து வந்து
தாவித்தாவி தூக்கச் சொல்லும்
திக்கித் திக்கி பேசுகின்ற
தின்ன அடம் செய்யுகின்ற

முத்து முத்துப் பல்லைக் காட்டி
முத்தம் தந்து மடியில் அமர்ந்து
முப்பொழுதும் அருகில் வந்தும்
முத்தமழை விரும்பித் தந்தும்

பட்டுப் போன்ற மேனியுடன்
பாட்டுப்பாடிக் கதைகள் கேட்கும்
பாட்டன் பாட்டி எப்பொழுதும்
பக்கத்திலே இருக்கச் சொல்லும்

பஞ்சுபோன்ற மெத்தை யாக்கி
படுத்துறங்கி நெஞ்சின் மேலே
பகலும் இரவும் எப்பொழுதும்
பக்கத்திலே நெருங்கி வந்து

தொட்டுத் தொட்டுப் பேசிதினம்
தொந்தரவு செய்கின்ற
மொட்டு போன்ற மழலைகளுக்கு
நித்தம் கதை சொல்லுங்களேன்



 (கவியாழி)

Tuesday, 11 March 2014

மழையே நீயும் மீண்டும் வா!வா!!

மழையே நீயும் வா வா
மகிழ்ச்சி எமக்குத் தா தா
மரங்கள் வளர  செடிகள் வளர
மீண்டும் மீண்டும் தொடர்ந்து வா

பிழையே செய்யா உயிரினமும்
பிழைக்க வைக்கத் தொடர்ந்து  வா
பிழையாய் வெட்டிய  மரத்தை
பிழைக்க வைக்க நீயும் வா

புயலாய் சூழ்ந்தும் ஓடிவா
புதிதாய் உணர்வைக்  கொடுக்க வா
பூச்சியும் பறவையும் பறக்கவும்
புல்லும் பூண்டும் முளைக்கவும்  வா

நாட்டு மக்கள் மனங்குளிர வா
நல்ல காற்றுமே கிடைக்க
நாகரீகம் என்ற பெயரில்
நாசமாக்கும் குளிர்விப்பான் தவிர்க்க வா

கடனே கேட்கா  காற்றை
கண்குளிர கொடுக்க  வா
காய்ந்த நிலத்தைப் பசுமையாக்க
கழனிப் பயிர்கள் செழிக்க வா

நாட்டு உழவன் மகிழ வா
நாளும் உணவு கிடைக்க வா
நீயும் உடனே விரைந்து வா
நித்தமும் மக்கள்  மகிழ வா


(கவியாழி)

Monday, 17 February 2014

இறைவனைக் காணவில்லையா?

இறைவனை இன்ப மாக்க
இன்னிசைச் சத்தம் ஒலிக்கப்
பறையடி மேளம் முழங்கப்
பாட்டுப்பாடி ஆட்டமாடி

வேட்டுச் சத்தம் கேட்டுமே
வெளிச்சமாய் ஒளி வீச
உடுக்கை அடித்துப் பாடி
ஊரே ஒன்றாய் கூடி

எல்லோரும் ஒன்று சேர்ந்து
இறைவனுக்கு பொங்கல் வைத்து
நல் விருந்துப் படைத்து
நலமாக வாழ வேண்டி

உள்ளவரும் இல்லாத ஏழையும்
ஒன்றாக தேர் இழுத்து
பல்லா ண்டாய் மகிழ்ந்தும்
பரவசமாய் வேண்டி வந்தும்

எல்லோரும் அன்பாய் அழைத்தும்
யாருமே பார்க்க முடியாத
பொல்லாத சக்தி அவன்
பொய்யாக வாழ்கின் றானோ


(கவியாழி)

Saturday, 15 February 2014

மகிழ்ச்சியான மணவாழ்வுக்கு....


துணையாய் தொடர்ந்து வந்து
தோழனாய் நட்பு கொண்டு
மனதில் குடிகொள்ளும்
மனைவியாய்இருக்க வேண்டும்

பெற்றவரை பிள்ளைகளைப் போல்
பேதமும் பார்க்காது விருப்பமாய்
உற்றாரும் வாழ்த்திச் செல்லும்
உற்றவளின் குணமே வேண்டும்

பிறி தொன்றும் கேட்காத
பிறரைப் பற்றிக் கூறாத
அன்புடனேஆசை கொள்ளும்
அன்னையாய் இருக்க வேண்டும்

ஆசை அன்புக் கென்று
அகம் மகிழ பிள்ளையுமே
அளவான செல்வமும் சேர்த்து
அன்பான குடும்பம் வேண்டும்

பணி முடிந்து வரும்போது
பணம் மட்டும் கேட்காத
குணமுள்ள மனைவி வேண்டும்
குடும்பம் மகிழத் துணைவேண்டும்

(கவியாழி)

Friday, 14 February 2014

தேனெடுக்கும் அவசரத்தால்.....

நீரி ருக்கும் நிலத்தினிலே
நிச்சயமாய் வாழ்ந்து வரும்
நிம்மதியாய் வளர்ந்து வந்து
நிறம் மாறி பூவாகும்

பூப்பூக்கும் முன்னே தேனீ
புகுந்து உள்ளே தேனெடுக்க
தேன் குடிக்கும்அவசரத்தால்
தெரியாமல் பூத்து விடும்

குருவிகளும் கொத்தித் தின்ன
கொள்கையுடன் படை யெடுக்க
கொஞ்ச நேர இடைவெளியில்
வண்டுகளே தேன் குடிக்கும்

வண்ட துவும்  கொண்டாடி
வேலையினை செய்த பின்பு
கண்டதுமே பறிக்கத் தூண்டும்
கண்ணி மைகள் ஊஞ்சலாடும்

வண்ணங்களோ பலநிறத்தில்
வயது வந்த பெண்களையும்
எண்ணமதை கவ்விச் சென்று
எடுத்துடனே சூடச் சொல்லும்

பெண்மணியின் பூ வாசம்
பொறுமை யின்றி ஆண்களையே
போரின்றி உடன்படிக்கை
பெண் மனதில் குடியேறும்

கண்ணி ரண்டும் ஒப்பந்தம்
கண்ணடித்து செய்து கொண்டு
எண்ணியதை இணை யிரண்டும்
இனிமையாக உறவு கொள்ளும்

(கவியாழி)


காதலர் தின வாழ்த்துக்கள்...

Wednesday, 12 February 2014

பொறுப்புள்ள தந்தையாய்....

பொறுப்புள்ள தந்தையாய் இருந்து
பிள்ளையைப் படிக்க வைத்து
மறுத்திடா செலவு செய்து
மக்களைக் காத்திடு உண்மையாய்

உணர்த்திடு உள்ள கடமை
உன்னுடைய வேலை யென்று
உள் வாங்கிப் புரிந்திடவே
உதவியாகச் சொல்லிக் கொடு

தடம் புரண்டு செல்லாமல்
தன் மானம் இழக்காமல்
இடம் பொருள் ஏவலையும்
இன்முகமாய் சொல்லி வளர்த்திடு

நன்னடத்தை நா நயம்
நல்லோரின் நல் ஆசியும்
எல்லாமும் தெரிந்திடவே
எப்போதும்உணர்த்தி விடு

மென்மையாக சொல்லிக் கொடு
மகிழ்ச்சியாக உணர்த்தி விடு
பெண்மையின் உயர் தத்துவத்தை
போற்றிப் போற்றி வாழவிடு





Tuesday, 11 February 2014

கனவுகள் தரும் தொல்லை

உதிரிக் கனவுகளை நினைத்து
உள்வாங்கி நினைத்தால்
உண்மை யது புரியாது
உறக்கம் மீண்டும் வாராது

தெருவோரம் நடந்த நிகழ்வோ
தென்றலென வீசும் காற்றோ
வண்ண நிறம் கொண்ட
வாசமுள்ள பூக்கள் வாசமன்றி

உயிர் நீத்து மறைந்த
உற்றாரும் பெற்றோருமே வந்து
உண்மை ஏதோ சொல்ல
உருப்படியாய் புரியாமல் இருக்கும்

கற்பனையான கனவு வந்து
கால மெல்லாம் வருத்த
நற்பலனை அறிய வேண்டி
நாலுபேரைக் கேட்டு தெளிய

அத்த னைக்கும் காரணமாய்
அனைவருமே மாற்றிச் சொல்லி
நற்பலனாய் மட்டும் சொல்வர்
நல்லதா கெட்டதா புரியாது

ஆழ்மனதில் அடியெடுத்து
ஆனந்தமாய் உறங்கும் போது
நான் கண்ட கனவுகள்
நல்ல பலன் தந்ததில்லை


(கவியாழி)

Monday, 10 February 2014

எப்போதும் வெற்றிபெற...

மழுக்கினால் மீண்டும் கூராகு
மறுபடி சிறந்து  சீராகு
தடுக்கினாலும் விழுந்து விடா
தைரியமாய் நிமிர்ந்து நில்லு

களப்பணியில் கவலையின்றி
கருத்துடனே செய்ய மறுக்காக்
கச்சிதமாய் இலக் கதனை
கடைசிவரை முடித்திடு

தடுத்திடு மந்தத் தடைகளைத்
தகர்த்திட முயற்சி செய்து
பகிர்ந்திட்ட காரியம் முடித்து
பார்போரை வியக்கச் செய்திடு

எப்படியும் எழுந்து நின்று
எல்லோரும் வியந்திடவே நீ
எழுச்சியுடன் நிமிர்ந்து நின்றால்
எப்போதும் வெற்றியே மகிழ்ச்சியே

(கவியாழி)




பகட்டு வாழ்கையால் பயனேது ?

ஆயிரம் பலதும் சேர்த்தாலும்
ஆயுளும் அதிகம் இருந்தாலும்
ஆலயம் தோறும் பணமாக
ஆண்டவன் மகிழக் கொடுத்தாலும்

ஊரும் பெரும் செல்வாக்கும்
உயர்ந்த பொருளை கொண்டாலும்
உற்றார் அருகில் இல்லாத
உயர்ந்த வாழ்க்கை பலனுன்டா

பேரைச் சொல்லி அழைத்திடவும்
பேதைமை இன்றி பழகிடவும்
நாளும் அருகில் மகிழ்வுடனே
நல்ல நண்பர்கள் வேண்டுமடா

வாடா போடா என்றழைக்க
வாழ்ந்த கதைகளை தெரிவிக்க
ஆத்தா அப்பனும் அருகிலின்றி
ஆனந்த வாழ்வு கிடைத்திடுமா

சுற்றமும் சொந்தமும் துணையின்றி
சொர்க்கமே உனக்கு கிடைத்தாலும்
பற்றும் பாசமும் கிடைக்காத
பகட்டு வாழ்க்கையால் பயனேது

(கவியாழி)





Saturday, 8 February 2014

பொறுப்பில்லா பிள்ளையினால்....

பொறுப் பில்லா பிள்ளையினால்
பொறுமை யிழந்து  தவிப்பவரே
வெறுப் படைந்து  வேதனையால்
வெம்பியே வருந்த வேண்டாம்

தடுத்திடும் காரண மறிந்து\
தைரியம் தனைக் கொடுத்து
மிடுக்குடன் நடக்க சொல்லி
மக்களை  நீர் வளர்த்தால்

இலக் கங்கே தருகையிலே
இயலாமல் தவிக்கையிலே
கலக்க மின்றி யோசித்தால்
காணும் பலன் கிடைப்பதையும்

துடுக்குடனே செய்யும் வேலை
துன்பமதைத் தடுக்கு மென்றும்
துணிந்து நின்று முயற்சிக்க
துணையாய் சொல்லும் வார்த்தை

கவனமாக உணர்தினாலே
கவலை யெல்லாம் தீர்த்திடுமே
கனிவுடனே இருக்கு மெனவே
கடுமை யின்றி சொல்வீரே

(கவியாழி)


Wednesday, 5 February 2014

அதிகாலைப் பனிபொழிவால்.....


அதிகாலைப் பனிபொழிவால்
ஆனந்தம் எப்போதும் இருக்கட்டும்
அதன்பின்னே  மழைத்துளியும்
அடிக்கடியும் தூரட்டும்

மிதமாக மழை பெய்தும்
மீண்டும் மகிழ்ச்சி  இருக்கட்டும்
பதமாக சிணுங்கலோடு தொடக்கம்
பக்குவமாய்  உணர்ந்து ரசிக்கட்டும்

இடையிடையே கதைச் சொல்லி
இதமாக தழுவ வேண்டும்
இடியுடன் மழை பொழிந்தால்
இறுக்கி அணைக்க வேண்டும்

மெலிதான மெல்லிசையை
மெய்மறந்து கேட்கவேண்டும்
மேனியெங்கும் சிட்டெறும்பாய்
மெதுவாக கவ்வ வேண்டும்

உடலெங்கும் கொடிபோல
தழுவ வேண்டும் காதல்
உணர்சிகளை எழுச்சியுடன்
ஒற்றுமையாய் தீண்டவேண்டும்

Tuesday, 4 February 2014

பெண்ணுக்கு கல்வியைக் கொடுப்பீரே.....

குற்றம் மட்டும் சொல்லாதீர்
குறையைச் சுட்டி நகைக்காதீர்
சுற்றம் நட்பும் சேர்ந்தேனும்
சொல்லி  மாற்ற தவறாதீர்

நக்கல் செய்து பேசுவதும்
நல்லதைச் சொல்ல மறுப்பதுமே
சிக்கல் கொண்டு இருக்கையிலே
சொல்வதை முனைந்து சொல்வீரே

அச்சம் தவிர்க்கச் சொல்லுங்கள்
ஆளுமை கற்க உதவுங்கள்
மாணவ பருவ  வாழ்கையுமே
மகிழ்ந்தே இருக்க வைப்பீரே

அக்கம் பக்கம் பழகுவதை
அருகில் உள்ள நண்பர்களை
சுற்றம் உறவும் இருப்பதையுமே
சொல்லி புரிய வைத்திடுங்கள்

நிச்சயம் முடிந்தால் கல்விக்கு
நேரமும் பணமும் செலவழித்து
பக்கத் துணையாய் இருப்பீரே
பெண்ணுக்கு கல்வியைக் கொடுப்பீரே




Monday, 3 February 2014

பிறப்பே தவறாய் எண்ணுதடா...



சொல்லாமல் கேட்காமல் சுயமாக
முன்வந்து கொடுக்கா உறவும்
சோம்பலாய் இருக்கையில் அறிவைச்
சொல்லாத அப்பாவும்  அம்மாவும்

இல்லாத அறிவை இயைந்து
எடுத்துச் சொல்லா உடன்பிறப்பும்
இருப்பதைக் கொடுத்துத் துணையாய்
இன்முகம் காட்டா நட்பும்

பொல்லாத நேரத்தில் புரியாமல்
போலியாய்த் தேவையென நடித்து
தள்ளாத காரணம் சொல்லி
தாங்க வைக்கும் உறவும்

நிலைமை தெரிந்தும் வருந்தாமல்
நேரமும் பழிக்கும் மனைவி
வயதைக் கடந்தும் வேலையின்றி
வருந்தாத வாரிசின் அலட்சியமும்

 உறவென்று சொல்ல வெட்கமடா
உலகில் இதுவும் உண்மையடா
பிள்ளைகள் இருந்தும் தொல்லையடா
பிறப்பே தவறாய் எண்ணுதடா



@@@@@ கவியாழி  @@@@@@







Friday, 31 January 2014

மனமே மீண்டும் வருந்தாதே.......

மகிழ்ச்சியில் திளைக்கும் மனமே
மகிழாதோர் இல்லை தினமே
நெகிழ்ச்சியாய் இருப்போர் சிலரே
நெஞ்சுருக மகிழ்வோர் பலரே

நேசிக்கத் தெரியா மனிதன்
நேசமற்ற மனிதன் உள்ளத்தில்
நாளும் தாவும் குரங்கு-மனிதன்
நிம்மதி மறந்த விலங்கு

காணும் காட்சிகள் அவலங்கள்
கண்டும் காணா உள்ளங்கள்
தேசம் தோறும் சண்டைகள்-மனிதமே
தேடிக் காணா உண்மைகள்

வெறுமையான மனித உள்ளம்
வேதனையில் தவிக்கும் இல்லம்
வீண்பேச்சு சந்தேகம் விவாதம்-இன்று
விதியல்ல இது மெல்லோர்க்கும்

பணமில்லை சிலருக்கு வாழ
குணமில்லை கொடுத்துமே உதவ
தினம் வருகின்ற தேவையே-என்றும்
தீராத ஆசை நோயே

மனமே மீண்டும் வருந்தாதே
மனிதனின் நிலையால் கலங்காதே
குணமே இதுவென வழுவாதே-எல்லா
குறைகளும் தீர்த்திடும் உணர்ந்தாலே


(கவியாழி)

Tuesday, 28 January 2014

சாலை விதியை மதிப்பீரே

       நவநாகரீக மாற்றத்தில் மக்களின் பொருளாதாரம், வாழ்க்கை வசதி ,
கல்வி,சுகாதாரம், வேலைவாய்ப்புகள் மற்றும் வாகனத்தின் பயன்பாடு தவிர்க்க முடியாமல் அனைவருக்கும் வாகனம் அவசியம்  என்ற நிலையாகிறது.நமது நெடுஞ்சாலைகளும்  நல்ல தரத்துடன் மாறி நல்லதாக இருந்தாலும் அதனால் ஏற்படும் கெடுதல்களையும் நாம் அனைவரும் உணரவேண்டும்


 இன்று எல்லோருமே பெரும்பாலும் சாலை விதிகளை கடைபிடிக்கிறோம் ஆனாலும் சில நேரங்களில் விபத்து நடப்பதை தவிர்க்க இயலாமல் போகிறது.இங்கு  குற்றம் குறைகளை தவிர்க்க ஒவ்வொரு தனி மனிதருக்கும் சாலையின் பயன்பாடு அவசியம் பற்றித் தெரிந்திருந்தாலும் அவசரம் என்ற அலட்சியத்தால் ஏற்படும் விபத்துக்களை தவிர்க்க முன்வரவேண்டும்.



சாலைவிதிகளை அறிந்தும் தவறிழைத்தல் என்ற காரணமே விபத்துக்கு முக்கிய காரணமாய் இருக்கிறது.முந்திசெல்லுதல் ,தவறான இடத்தில் வண்டிகளை நிறுத்தி வைத்தல் ,மாற்றுவழியில் அவசியமற்ற வேகம்,
பாதசாரிகளின் ஒழுங்கற்ற சாலையைக் கடக்கும் முயற்சி, விலங்குகளை  சாலையில் திரிய விடுதல்  போன்றவையே முக்கிய காரணிகளாய் இருக்கிறது




தனி மனித ஒழுக்கமே சாலையில் விபத்துக்கள் ஏற்படாமல் இருக்க முடியும் .முறையான பயன்பாடு ,சாலை விதிகளைப் பற்றி அனைவரும் அறிய வைத்தல் அவசியமில்லாத  வேகம் ,சரியான இடத்தில் சாலைகளை கடப்பது ,போக்குவரத்து விளக்குகளை கவனித்து செல்லுதல் .முறையான அளவான வேகம் போன்ற முக்கிய காரணிகளே பெரும்பாலான சாலை விபத்துக்களைத் தவிர்க்க முடியும.


சாலை விதிகளை மதிப்பீர் நாளையும் எழுந்து நடப்பீர்.


(படங்களுக்கு நன்றி கூகிள்)

(கவியாழி)

Sunday, 26 January 2014

மனிதம் மனதில் இருந்தாலே......

மனிதம் இல்லா மனிதரையே
மாற்றம் செய்ய வையுங்கள்
மனதில் துளியும் அன்புடனே
மனிதனாக வாழச் சொல்லுங்கள்

செல்வம் அதிகம் சேர்ந்தாலே
செல்லும் வழியும் தடுமாறும்
சொல்லில் வார்த்தை  தவறாகி
சொந்தம் தள்ளி உறவாடும்

சொந்தமும் நட்பும் இல்லாமல்
சுகமாய் வாழ்க்கை வாழ்ந்தாலும்
செல்லும் வழியில் சிலரேனும்
சிரித்துப் பேசச் செய்திடுங்கள்

குற்றம் குறைகளை நல்லதை
குணத்தை மாற்றி வாழ்வதை
சுற்றமும் நட்பும் உணர்ந்ததை
சொல்லிப் புரிய வையுங்கள்

அருகில் இல்லா உறவுகளால்
அதிகத் துன்பமும்  வருவதையும்
அன்பே இல்லா மனிதர்களின்
அடைந்த நிலையை காட்டுங்கள்

மனித வாழ்க்கை உணர்வதற்கு
மக்கள் சூழ்ந்தே வாழ்வதற்கு
மனிதம்  மனதில் இருந்தாலே
மகிழ்ச்சி நிறைந்து வாழ்ந்திடலாம்


(கவியாழி)


Thursday, 23 January 2014

மகிழ்ச்சி இல்லா நேரத்திலே...

மகிழ்ச்சி இல்லா நேரத்திலே
மனதில் தோன்றும் எல்லாமே
மறைக்க முடியா தருணங்களாய்
மடியும் நிலைக்கு வந்துவிடும்

மலையும் கடலும் வானமும்
மரமும் செடியும் கொடியுமே
மனதில் பாரத்தைக் குறைத்திடும்
மகிழ்ச்சியை மீண்டும் தந்திடும்

தோழமைத் துணிவும் சேர்ந்ததும்
தொடரும் துன்பமும் விலகிடும்
தொடரும் நட்பின் ஆதரவால்
தொல்லைகள் மறைந்து சென்றிடும்

இதயம் உணரா மனிதருக்கும்
இனியவை செய்திடசொல்லிடும்
இன்பம் தந்திடும் செயல்களை
இனியும் செய்ய வைத்திடும்

கலக்கம் வேண்டாம் நண்பனே
கடவுள் போல வந்தேனும்
கருணை கொண்டு உதவியாய்
கடந்து செல்ல வைப்பார்கள்

(கவியாழி)




Monday, 20 January 2014

புத்தகத் திருவிழா2014-செல்லப்பா அவர்களுக்குப் பாராட்டு

நேற்று மாலை ஐந்து மணிக்கு திரு.செல்லப்பா அவர்களின் சிறுகதைத்தொகுப்பான "தாத்தா தோட்டத்து வெள்ளரிக்காய் ' என்ற புத்தகத்தை அய்யா.புலவர் .ராமாநுசம் அவர்களின் திருக்கரங்களால்  அகநாழிகை பதிப்பகத்தார் முன்னிலையில் அறிமுகப்படுத்தப்பட்டது.

பதிவுலக நண்பர்கள் பலரும் திரு.பாலகணேஷ் அவர்களின் கைபேசிவழித் தகவல் கிடைத்ததும் சிரமம் பார்க்காமல் வந்திருந்து திரு.செல்லப்பா அவர்களை வாழ்த்தியபோது எடுத்த சில படங்கள்.

நான் அறிமுகம் செய்து பேசியபோது  மிக கவனமாக உரையை கேட்கும் மெட்ராஸ் பவன்  சிவகுமார்,நம்ம புலவர்.ராமாநுசம்,எழுத்தாளர்.செல்லப்பா  மற்றும் மின்னல்வரிகள் பாலகணேஷ்







பன்.ராமசாமி,ஸ்கூல் பையன் சரவணன்,ஆர்.வி.சரவணன்,தோத்தவண்டா ஆரூர் மூனா செந்தில்,இரவின் புன்னகை செல்வின்

அகநாழிகை புத்தக வெளியீட்டாளர்  பொன் வாசுதேவன்
உஷா ராமச்சந்திரன், புதுவைக் கவிஞர் உமா மோகன், பெருமிதக் கவிஞர் தேனம்மை ஆகியோர்களுடன்  பொன்வாசுதேவன்


வந்திருந்து வாழ்த்திய பதிவுலக நண்பர்கள் அனைவருக்கும் நன்றி.

(கவியாழி)

Sunday, 19 January 2014

கடவுள் போலச் சொல்வார்கள்

உதவி செய்ய வருவோர்கள்
உரிமையோடு  செய்வார்கள்
உணரும் துன்பம் யாவையுமே
உடனே தீர்க்கத்  துணிவார்கள்

எண்ணம் முழுதும் உண்மையாய்
என்றும் துணையாய் இருப்பார்கள்
எதிலும் உரிமை சொல்லியே
எளிதில் அன்பைப் பொழிவார்கள்

ஊரும் பேரும் தெரியாமல்
உற்ற நட்பு என்பார்கள்
உள்ளம் முழுதும் தெய்வமாய்
உணர்ந்துப் பழகி வருவார்கள்

இன்றும் நட்பாய் ஒருசிலரே
இப்படி மகிழ்ச்சி கொள்வார்கள்
இதயம் நிறைந்து எப்போதும்
இன்முகத்தோடு வாழ்வார்கள் 

கடமை என்றே எண்ணியே
கருத்தாய் செய்து முடிப்பார்கள்
கடந்து வந்து வெற்றியக்
கடவுள் போலச் சொல்வார்கள்


(கவியாழி)

Thursday, 16 January 2014

மகிழ்ச்சிக் கிடைத்தால் மறுக்காதே....

மகிழ்ச்சிக்  கிடைத்தால் மறுக்காதே
மறுத்துப் பின்னால் வருந்தாதே
புகழ்ச்சி மிகுந்து மயங்காதே
பிறகு மயங்கி துடிக்காதே

கிடைத்த வாழ்வைத் தொலைக்காதே
தொலைத்து விட்டுக் கலங்காதே
கிட்டும் வாய்ப்பை விலக்காதே
கலங்கி உயிரைப் போக்காதே

உழைத்து வாழ மறுகாதே
உயர்வு உனக்குக் கிடைக்காதே
ஓய்ந்து படுத்துக் கிடந்தேநீ
உறங்கி வாழ்வை இழக்காதே

தொடுத்த சொல்லால் துணையைநீ
தொடரும் சொந்தம் முடிக்காதே
தொலைத்து விட்ட வாழ்கையே
தேடிச் சென்றும் கிடைக்காதே

பெண்கள் கல்வி கொடுக்காமல்
பிறந்த வாழ்வைக் கெடுக்காதே
பிறப்பை தவறாய் நினைக்காமல்
படிப்பைத் இடையில் நிறுத்தாதே

கெடுத்தும் வாழ்வு வாழாதே
கெட்டப் பின்பு துடிக்காதே
கொடுத்து வாழ்ந்து மகிழ்ந்தாலே
கொடுக்கும் நன்மை உணர்வாயே?

Tuesday, 14 January 2014

பொங்கலைக் கொண்டாடுவோம் .....


உலகத்துத் தமிழரெல்லாம்
ஒற்றுமையாய்ச் சேர்ந்திருந்து
தமிழன்னை மகிழ்ந்திடவே 
தவறாமல் பொங்கல் வைப்போம்

நல்லோரை நாடிச் சென்று
நல்வாழ்த்து சொல்லிடுவோம்
நம்மக்கள் மனம்மகிழ
நாடிச் சென்று உதவிடுவோம்

புத்தாடை  தனையுடுத்தி 
புதுப்பானை பொங்கலிட்டு
தலைக்கரும்பு மஞ்சளுடன்
தலைவாழை இலைபோட்டு

உலகாளும் சூரியனுக்கும்
உழவனுக்கும் நன்றி சொல்வோம்
உயரும் வழி என்னவென்று
உள்ளோர்க்கு எடுத்துரைப்போம்







Monday, 13 January 2014

பொங்கலே பொங்குக.....

தாத்தன் பாட்டிச் சொந்தங்களை
தமிழில் இல்லா வார்த்தைகளில்
பார்த்தே மகிழ்ந்தே சிரித்திடுவீர்
பாசம் கொண்டே அழைத்திடுவீர்

நேற்றும் நடந்தக் கதைகளையே
நேசம் கொண்டே பேசிடுவீர்
நேர்மை வீரம் சத்தியத்தை
நேரில் கண்டேப் பேசிடுவீர்

ஊரும் உறவும் உள்ளதென
உரிமைச் சொந்தம் நல்லதென
பேரும் புகழாய் வாழ்ந்திருந்த
பெரியோர் கதைகளைக் கேட்டுடுவீர்

வீரம் மிகுந்த தமிழர்களின்
வேட்கை நிறைந்தப் பாட்டுகளும்
வீதியில் சூழ்ந்தே விளையாடி
விரும்பிப் பழகி மகிழ்ந்திடுவீர்

தாழ்ந்த உணர்வும் இன்றில்லை
தரணி முழுதும் கொண்டாடி
தமிழர் திருநாள் பொங்கலையே
தமிழர் அனைவரும் பொங்கிடுவீர்

மஞ்சள் கரும்புடன் படையலிட்டு
மாட்டையும் ஆட்டையும் வர்ணமிட்டு
பொங்கலை வைத்துப் படையலிட்டு
புகழ்ந்தே மகிழ்ந்தே வணங்கிடுவீர்

பொங்கலே பொங்குக என்றுரைத்து
பொழுதும் அனைவரும் சூழ்ந்திருந்து
மங்கள நாளில் ஒற்றுமையாய்
மகிழ்ந்தே சேர்ந்து சாப்பிடுவீர்


(கவியாழி)

Saturday, 11 January 2014

திருவாளர்.செல்லப்பா அவர்களின் சிறுகதைப் புத்தகம்




கிராமத்துப்  பின்னணி உள்ள இந்த அட்டைப் படத்தைப் பார்க்கும்போது இவர் கிராமத்தை விரும்பி ரசிக்கும் எழுத்தாளர்  என்பதும்  படத்திலுள்ள சிறுமி செல்வி.சம்ப்ரித்தா(அவருடைய பேர்த்தி)  இவரது உறவுக்கு அய்யனாரைப் போன்று பாதுகாவலராய் இருப்பார் என்பதும் தெளிவாகப் புலனாகிறதல்லவா?


இந்தப் புத்தகத்தில் உள்ள "சாந்தி நிலவ வேண்டும் " என்ற சிறுகதைக்காக பிரபா ராஜன் அறக்கட்டளையின் சார்பாகக் கலைமகள்  பத்திரிகை நடத்திய  சிறுகதைப் பரிசுபோட்டியில் இரண்டாம் பரிசு பெற்றபோது எடுத்த படம். மணிமேகலை பிரசுரமும் இணைந்து நடத்திய விழா.


                              ஹரணி
(முனைவர் க அன்பழகன்)
தமிழ்ப் பேராசிரியர்
அண்ணாமலைப் பல்கலைகழகம்,
சிதம்பரம்.

சொல்லியது............

    "ஒழுக்கமான படைப்புலகத் தர்மத்தோடு, மனிதநேயச் சிந்தனையோடு எடுத்துக் காட்சிப்படுத்துகிறார்  தன் உள்ள ஈடுபாட்டோடு, அர்ப்பணிப்போடு. ஒருமுறை வாசித்தாலும் பன்முறை பாராயணம் செய்துவிட்ட ஒரு பாடம்போல மனத்தில் தேங்கி மாற்றங்களை விளைவிக்கும் சிறுகதைகள்."



இன்றைய புதிய தலைமுறை  எழுத்தாளார்களின் 
  அதிக புத்தகங்களை வெளியிடும் அகநாழிகைப் பதிப்பகத்தார்



திரு இராய செல்லப்பா,  ராணிப்பேட்டையில் பிறந்து வளர்ந்து படித்து சென்னையில் குடியேறினாலும், தேசியமயமாக்கப்பட்ட வங்கியான கார்ப்பரேஷன் வங்கியில் பணியில் இருந்த காரணத்தால் இந்தியாவின்  பல நகரங்களில் வசித்த காரணத்தின் வெளிப்பாடாய்   ஒன்பது கதைகளும், மேல்தட்டு வர்க்கத்தினர் வசிக்கும் அமெரிக்க நிகழ்வுகலைக் கொண்ட மூன்று கதைகளும் ஆக மொத்தம் பன்னிரண்டு கதைகளைச் சிறப்பாக எழுதியிருக்கிறார்.

கவிதை எழுதுவதிலும் வாசிப்பதிலும்தமிழ் இலக்கியத்திலும் வல்லவரான கவிஞர்.இராய.செல்லப்பா அவர்கள்  ஏற்கனவே  "எட்டயபுரத்து மீசைக்காரன்", தலைநகரில் தமிழ்க்குயில்கள்" என்ற இரண்டு் நூல்களை தில்லியில் இருந்தபோது வெளியிட்டுள்ளார்.

கவிஞர் கதையாசிரியராக மாறினாலும் தனக்கு ராசியான எட்டு எண்ணுடன் எட்டு நபர்கள் மனைவி,மகள்கள்,மகன் மருமகள், பேரன்கள் பேத்தியையும் மறக்காமல் குறிப்பிட்டதோடு மட்டுமல்லாமல் தனது மாமியார் ராஜலக்ஷ்மி சீதாராமன் அவர்களுக்கு அர்ப்பணம் செய்து  தனது உறவுகளையும் சொந்தங்களையும் அரவணைத்து செல்லவேண்டிய அவசியத்தை  எல்லோருக்கும் முன்மாதிரியாக இப்புத்தகத்தை வெளியுட்டுள்ளார்.

எனவே நண்பர்களே அனைவரும் புத்தகத்திருவிழாவில் அகநாழிகைப் பதிப்பகத்தில் சர்வதேச தரத்துடன் அச்சிட்டுள்ள இப்புத்தகத்தை  Rs.120  மட்டுமே  கொடுத்து வாங்கி படிப்பதுடன் உங்கள் உறவினருக்கும் நண்பர்களுக்கும் பரிசாக வழங்கலாம் என்று பரிந்துரைக்கிறேன்

(கவியாழி)

Thursday, 9 January 2014

மனிதநேயம் உள்ளவராய் வாழ்ந்திடுங்கள்



அடுத்தவரின் குறையை எண்ணி
அனுதினமும் ரசிக்கதோன்றும்
படித்தறிந்த மானிடனே நீ
பண்ணுவது நல்லதில்லை

எடுத்தெறிந்து செய்வதனால்
ஏழுபிறப்பும் பாதித்ததாய்
படித்தறியா முன்னோர்கள்
பழமொழிகள் சொன்னார்கள்

பணம்காசு கொடுக்காமல்
பண்புகளை சொன்னாலே
குணம்மாறி வாழ்ந்திடுவான்
கும்பிடுவான் தெய்வமென

வழியின்றித் தவிப்போருக்கு
வயிற்றுப்பசி போக்கிடுங்கள்
வாழ்வதற்கு நல்லவழி
வணங்கும்படிச் செய்திடுங்கள்

நாளிதுவே வாழ்வதற்கு
நாளைக்குத் தெரியாது
நாளைவரை உடன்வருவார்
யாரேனவேத் தெரியாது

வேலைக்கு மாத்திரையும்
வேதனைகள் மறைவதற்கு
இருக்கும்வரை  மனிதநேயம்
இருப்பவராய் வாழ்ந்திடுங்கள்


Tuesday, 7 January 2014

நல்லவராய் வாழ்ந்திடுவோம்....

எண்ணத்ததைத் தூய்மையாக
எப்பொழுதும் வைத்திருந்தால்
எல்லோரும் மகிழ்ச்சியாக
இன்பமாக வாழ்ந்திடலாம்

சொல்லுவதைச் செயலாக்கி
சொன்னபடி வாழ்ந்திருந்தால்
செல்வமது நிலைத்திடுமாம்
சொந்தமெனத் தாங்கிடுமாம்

உள்ளமதில் கள்ளமின்றி
உண்மையாகப் பேசிவந்தால்
தொல்லையில்லா வாழ்க்கையாக
தொடர்ந்திடலாம் எப்பொழுதும்

அன்புடனே அறநெறியும்
அடுத்தவருக்கு உதவியுமே
இன்பமெனச் செய்திட்டு
இருப்பதையுமே கொடுத்திடலாம்

நண்பனையும் அன்புடனே
நன்னடத்தைச் சொல்லிவந்தால்
நன்றியுடன் இருந்திடுவான்
நல்லபடி வாழ்ந்திடுவான்

உள்ளவரை எச்செயலும்
உயர்வதற்காய் செய்தாலும்
நல்லவையே செய்திடுவோம்
நல்லவராய் வாழ்ந்திடுவோம்

(கவியாழி)



Sunday, 5 January 2014

தவறிய அழைப்பு மிஸ்சுடு கால்.(Missed call)

                       தவறான அழைப்பு       (Missed call ) இதைப்பற்றி அறியாதவர்கள் இருக்க முடியாது.தவறிய,தவறான,அவசியமில்லாதது போன்ற அழைப்புகள் சில நேரங்களில் எரிச்சலையும்  கோபத்தையுமே தந்தாலும் சில நேரங்களில் போதிய கையிருப்பு இல்லாமை அல்லது அலைவரிசை பிரச்னை போன்றைவையும் காரணமாய் இருக்கிறது.ஆனாலும் பெரும்பாலானவர்கள்  தவறிய அழைப்பு  வருவதை விரும்புவதில்லை.சிலர் இதை வாடிக்கையாக கொண்டிருப்பதும் உண்மையே.

இன்றைய நவீன காலத்தில் அவரவர் விருப்பத்திற்கேற்ப கைபேசி உபயோகித்து வருகின்றனர்.இதில் வயதோ,வசதியோ  வேறுபட்டாலும் விருப்பத்திற்காக,வசதிக்காக,அடுத்தவருக்காக  பல வண்ணங்களிலும் அதிக விலையிலும் வைத்துள்ளார்கள்.இங்கு கிராமமோ,நகரமோ பாகுபாடு இருக்கவில்லை.அவரவர் மனதைப் பொறுத்தே  உள்ளது. ஆனாலும்  இந்த தவறிய அழைப்பை பற்றி எல்லோருமே தெரிந்துள்ளனர்.

ஒவ்வொரு அழைப்பின்போதும் மகிழ்ச்சியை கொடுக்கும் கைபேசி அழைப்பு சில நேரங்களில்  சிலர் தவறான அழைப்பு  செய்வது மிகுந்த வேதனையும் கோபத்தையுமே ஏற்படுத்துகிறது.  பெரும்பாலும் உறவினரோ அல்லது நண்பர்களோ தவறிய அழைப்பு விடும்போது நம்மால் ஏற்றுக்கொள்ள முடிகிறது ஆனால் வியாபார சம்பந்தமாக சிலர் இப்படி செய்வது கண்டனத்திற்குரியது. இதை  TRAI  என்ற தொலைபேசி ஒழுங்குமுறை ஆணையம் தவறென்று சொன்னாலும் சிலர்  பொருட்படுத்தாமல் அழைப்பு விடுக்கின்றனர். இதைப் பற்றி சட்ட ரீதியான புகார் தெரிவிக்கலாம்.

பொதுவாக தவறான அழைப்பு விடுவது அநாகரிகமான செயல்  என்றால்  ஆம் என்றே பலரும் ஒப்புக்கொள்வார்கள்.உறவினரோ நண்பரோ பொழுதுபோக்கிற்காக  அவசியமின்றி உரையாட வேண்டியும் அல்லது  அடுத்தவரை பேச சொல்வதற்காக நம்மிடம் தவறான அழைப்புவிடுத்து சொல்வதும் தவறென்றே நினைக்கிறேன்.இதில் நேரமும் வீணாவதுடன் பணமும் செலவாகிறது..அதுமட்டுமன்றி  இன்னும் பேசும் மின் தொகுப்பு (Battery charge)  கால அவகாசம்  குறைகிறது  இதனால் அவசியமான முக்கியமான பேசவேண்டிய  இணைப்புகளும் தவிர்க்க வேண்டியதாய் உள்ளது.

நண்பர்களுக்கோ,உறவினர்களுக்கோ அழைப்பு செய்யும்போது அன்போடு சிறிய தொகையும் சேர்த்து  செலவிட்டு மகிழ்ச்சியாய் அன்பை பகிரலாமே.மேலும் அவசியமில்லாத காலநேரத்தை விரயமாக்கும் இதுபோன்ற தவறைச் செய்யாமல் இனி தவறான அழைப்பைத் தவறியும்  கொடுக்காமல் இருந்தால் மேலும் உங்களின் மேல் நல்ல அபிப்ராயம் ஏற்படும் என்பதை உறுதியுடன் பகிர்கின்றேன்.



Friday, 3 January 2014

மலரும் தேனைத் தருவதில்லை

மார்கழி மாதத்தில் வண்டுகள்
மலர்களைத் தேடி வருவதில்லை
மலரினில் சேர்ந்திடும் பனியினால்
மலரும் தேனைத் தருவதில்லை

பனியும் அதிகம் பெய்வதாலே
பூக்களும் அதிகமாய் பூப்பதில்லை
பெண்களும் பூக்களை நினைத்தே
பொழுதும் மகிழ்ச்சியாய் இல்லை

பனியில் தேனிகள் வருவதில்லை
பகிர்ந்தே மகரந்தம் செல்வதுமில்லை
அதிகப் பனியால் ஆண்களுக்கும்
அதற்கும்  இப்போ விருப்பமில்லை

ஆக்கல் குறைந்த காரணத்தால்
அழித்தலை ஆண்டவன் செய்வதால்
அதனால் மக்களில் பலபேர்
ஆலயம் செல்வதே உண்மை

வருடக் கடைசி  உனக்கும்
வரவு செலவு உள்ளதோ?
ஏனிந்த வேதனை இறைவா!
இதுவும் உனது செயலா?









Wednesday, 1 January 2014

சின்ன சின்ன மொட்டுகளே

சின்னச் சின்னப் பிள்ளைகளே
சிரித்து மகிழும் முல்லைகளே
வண்ணப் வண்ண பூக்களைப்போல்
வந்தே சிரிக்கும் வாண்டுகளே

நல்ல  நல்ல கதைகளை
நாட்டில் நடக்கும் செய்திகளை
வானில் மின்னும் நட்சத்திரம்
வட்ட நிலவைப் பற்றியுமே

தேனாய் இனிக்கும் வார்த்தையிலே
தினமும் சொல்லி வந்திடவே
தோளில் ஏறித் தினந்தோறும்
தொல்லை செய்யும் செல்வங்களே

குருவிக் காக்கை கொக்குபோல்
குனிந்தும் தாவியும் ஆடவைத்து
குழவி குழவி மகிழ்ச்சியாக
கொள்ளை கொள்ளும் உள்ளங்களே

எல்லை இல்லா கேள்விகளை
எளிதில் புரிந்தே தெரிந்திட்டால்
கொள்ளை இன்பம் கொண்டேநீ
கொஞ்சி நன்றி சொல்வீரே


2014 ஆம் ஆண்டு புத்தாண்டு வாழ்த்துக்கள்

^^^^^^கவியாழி^^^^^^^