17.07.2013 அன்று கோவைப் பதிவர்களோடு ......

17.07.2013 அன்று   நான் கோவை ரயிலில் சொந்த வேலையாக கோவைக்கு சென்றிருந்தேன்.என்னை கோவை பதிவர்களின் சார்பாக நண்பர் கோவை ஆவி (ஆனந்த்) அவர்கள் வரவேற்றார். அங்கிருந்து கோவைஆவியும்  நானும்  கோவையின் பிரபலப் பதிவர்களான.திரு.கோவை ஜீவா,உலகதமிழ் சினிமா ரசிகன் ஆகியோரய் சந்தித்தோம்.அங்கு  சென்னையை சேர்ந்த பதிவர்களின் நலன் விசாரித்தார்கள் பிறகு அடுத்த பதிவர் சந்திப்பு நிகழ்வு பற்றி ஆர்வமாய்  கேட்டார்கள் .அடிக்கடி நாங்கள் சந்திப்பதுப் பற்றி சொன்னதும் மகிழ்ந்தார்கள்.

ஆனால் நான் ரயிலிலேயே மதிய உணவு சாப்பிட்டேன் என்று சொல்லியும் நிச்சயம் எங்களோடும் உணவருந்த வேண்டுமென கட்டாயப்படுத்தி னார்கள் .அதனால் மேலும் நான் சாப்பிட வேண்டிய  சூழ்நிலையில் பரோட்டாவும்  மிளகு கோழி வறுவல் நால்வரும் பேசிக் கொண்டே உணவருந்தினோம். கோவை ஜீவா அவர்கள் எனக்கு பரிமாரியதுடன் கவனமாக அதைப் படங்களும் எடுத்துக் கொண்டார்.

பேச்சினூடேஉங்க வயது என்ன? என்று நண்பர் ஜீவா அவர்கள் கேள்வி கேட்டு  பின்அவரைவிட மூத்தவன் (நானும் இளைஞன்)என்று புரிந்து கொண்டு  அடுத்த கேள்வியாக எல்லோருமே கேட்க விரும்பும் கேள்வியைக் கேட்க கோவை ஆவி தானாக முன்வந்து என்சார்பாக பதிலளிக்க முயல அதைப் பார்த்த உலகசினிமா ரசிகனின் முகம் மாறியது. அதைப் பார்த்துப் புரிந்து கொண்டு நானே சொன்னவுடன் இருவரும் திருப்தி அடைந்தார்கள்.

கோவைப் பதிவர்கள் சார்பாக எனக்கு விருந்து படைத்து  என்னுடன்  மகிழ்ச்சியாக உரையாடியமை எனக்கு மகிழ்ச்சியைத் தந்தது. எத்தனையோ வேலைகள் இருந்தும் எனக்காக நேரம் பகிர்ந்து என்னை மகிழ்வித்தப் பதிவர்களை நினைத்துப் பெருமைப் பட்டேன்.பதிவுலகம் என்பது உண்மையான நேர்மையான நட்பு பரிமாறும் தளம் மட்டுமல்ல நண்பர்களாக,உறவினராக ,மரியாதைக்குரியவராக மதித்து பழகும் நல் உள்ளங்களின் புகலிடமாகவும் இருக்கிறது என்பதை எண்ணி  மகிழ்ந்தேன்.

கணினியின் வளர்ச்சியால் எத்தனையோ பயன்பாடு இருந்தாலும் உறவுக்கும் துணையாக இருக்கும் இந்தப் பதிவர்களின் சந்திப்பு நிகழ்வு எனது குடும்பத்தினரிடம் சொன்னபோது அவர்களும்  மகிழ்ந்தார்கள். காரணம் எனக்கு உறவினர்களும் நண்பர்களும் அதிகம்பேர் கோவையில் வசித்தாலும்
இந்த சந்திப்பினால் எனக்கு மேலும் நல்ல நண்பர்களையும்  சந்திக்கும் வாய்ப்பையும்  பெற்றமை எனக்கு மகிழ்ச்சியைத் தந்தது.

பதிவர்கள் உறவு என்ற புதிய உறவு எல்லா இடங்களிலும் எல்லா ஊர்களிலும் நாடுகளிலும் எல்லோருக்கும் இதுபோல நல்லுறவும் நட்பையும்  வளர்க்கும் நாகரீகமான கருவிதான் இந்த பதிவுலகு என்று உறுதியாக நம்புகிறேன்.இந்த வலையுலகம் நமக்கு எல்லா தகவலும் தரும் மற்றும்  தனிநபர் திறமையும் வளர்க்கும் சிறந்த உலகம் என்பதில் மாற்றுக் கருத்து இருக்க முடியாது என்பதை இந்த கோவை பதிவர்களின் சந்திப்பு நிகழ்வின் மூலம் அறிந்து கொண்டேன் .