காதல்...நெஞ்சம் மகிழ வென்றிடுமாம்....

எல்லா வயது மனிதருக்கும்
என்றும் தொடர்வது காதலாம்
இல்லா நிலையில் உள்ளோர்க்கும்
இனிமைத் தருவது காதலாம்

ஏக்கம் கொண்டே எப்பொழுதும்
ஏங்கித் தவிக்கும் காதலாம்
தூக்கம் கெட்டும் தினந்தோறும்
துணையாய் நிற்கும் காதலாம்

சொல்லா மொழியில் உணர்ச்சிகளை
சொல்லித் தருவதும் காதலாம்
சொல்லே இன்றிப் பார்வையாலே
சொல்லும் மொழியும் காதலாம்

பார்த்த உடனும் வந்திடுமாம்
பழகிப் பேசியும் மகிழ்ந்திடுமாம்
பாசம் கொண்டே வளர்ந்திடுமாம்
பகைமை இல்லாக் காதலாம்

உண்மையை விரும்பும் காலமும்
உணர்ச்சியை தூண்டும் காதலாம்
உறவைவும் நட்பும்  வளர்வதற்கு
உரிமைமைச் சொல்லும் காதலாம்

காதல் நன்றே எப்பொழுதும்
காசு பணத்தைப் பார்ப்பதில்லை
காமம் இல்லா நட்புடனே
கடைசி வரையும் தொடர்ந்திடுமாம்

நேசம் அன்பு நட்புடனே
நிறமோ மொழியோ பாராமல்
நேர்மையான காதலே இறுதியில்
நெஞ்சம் மகிழ வென்றிடுமாம்